Ангелов: Во некои случаи пожари се предизвикани од искрење на жици на бандери. Поради што во тек е изработка на барање до ЕВН за да ги проверат нивните системи за дистрибуција на електрична енергија, информира денеска на прес-конференција директорот на Центарот за управување со кризи (ЦУК), Стојанче Ангелов.
Џафери во 17 часот ќе го потпише Решението за распишување на локални избори, соопштија од Кабинетот на Претседателот на Собранието.
ДИК ќе расправа за цената за платено политичко рекламирање. На дневен ред на седницата се Предлог-упатството за начинот и постапката за утврдување на просечно постигнатата цена и најниска цена за платено политичко рекламирање и Предлог-одлуката за утврдување на просечно постигнатата цена за платено политичко рекламирање.
Даниловски: Вирусот има „небранет“ простор, првично поради невакцинираните, кон крајот на август лесно може да се надминат 1.600 случаи дневно. Дали постои „опасност“ од уште една онлајн учебна година, професорот смета дека сѐ ќе зависи од развојот на епидемиолошката ситуација. Ако растот на случаите продолжи со сегашново темпо, како што вели, треба да се земе предвид и таа опција.
Раст на новозаразени, активни 955 ковид-случаи, 560 од нив се во Тетово и Скопје. Епидимиолошката служба на тетовскиот Центар за јавно здравје оцени дека за само еден месец од регион со спорадични случаи, Тетово е во фаза на широко распространета трансмисија на Ковид-19 и се очекува бројот на новозаболени да расте уште повеќе.
Вчера аплицирани 10.179 вакцини, МЗ апелира на масовна вакцинација. Со последните бројки 65% од населението над 70 години имаат примено барем една доза вакцина, 62% од населението над 65 години е вакцинирано со барем една доза вакцина, 58% од населението над 60 години е вакцинирано со барем една доза вакцина и 47% од населението над 50 години е вакцинирано со барем една доза вакцина.
Во Карпош и во Тетово ќе се отворат два нови дневни центри за деца со попреченост, во Гази Баба советувалиште за семејства во ризик. Преку примена на Монтесори методот и современите терапевтски техники ќе биде обезбедена стручна помош и поддршка преку индивидуален и групен третман и психо-социјална поддршка за децата и нивните семејства. Тоа подразбира интензивна поддршка врз индивидуалните потреби на детето.
Активни и со силен интензитет пожарите во повеќе региони во државата. Согласно состојба со пожарите до 8 часот, во штипски регион уште е активен пожарот во атарот на селото Нов Истевник, маало Пасјак, и е во дијаметар од 15 км. До овој момент опожарена се околу 800 ха борова шума и нискостеблести растенија.
Ангажирани сите ресурси и капацитети за справување со пожарите. Состојбата се менува од минута во минута, а сувата вегетација, високите температури и ветерот придонесуваат за брзо ширење на постоечките пожари и појава на нови жаришта, рече директорот на ЦУК, Стојанче Ангелов. Според него, постојат одредени сомнежи дека се работи за намерни палења зашто некои од пожарите одеднаш избувнуваат. Но, тоа ќе го истражи МВР.
