Градоначалникот на Скопје Петре Шилегов, објави дека заедно со неговиот колега и одличен пријател, градоначалникот на Подгорица Иван Вуковиќ, продолжуваат да разменуваат искуства и да ги развиваат извонредните меѓусоседски односи.
„Неколкупати во изминатите години го посетив Скопје и сведок сум на оваа позитивна трансформација што ја има во Скопје, на инфраструктурниот развој и можам да потврдам дека Скопје го има еден од најдобрите градоначалници од овој дел на Европа, со видливи и мерливи резултати“, вели Иван Вуковиќ.
„Најдраго од сѐ ми е што заеднички се согласуваме дека Скопје се движи во вистинска насока и дека заедно со Подгорица овие градови и во иднина можат да бидат пример за тоа како се имплементираат исправни градски политики“, објави Шилегов. Шилегов по повод заедничката средба укажува дека еден регион е силен онолку колку што се силни врските и континуитетот на пријателствата меѓу државите кои го сочинуваат.
