Украинките кои беа силувани од Русите и оставени во Полска не можат да абортираат таму. Според полскиот закон, абортусот е дозволен во случај на силување, но сè уште нема кривично дело, информираше на Твитер, Олександра Матвичук, претседателка на Центарот за цивилни слободи во Украина и добитничка на наградата Бранителка на демократијата на ОБСЕ.
Ukrainian women who were raped by Russians and left to Poland cannot have abortions there. Under Polish law, abortion is allowed in case of rape, but there is no criminal case yet
Psychologists in Poland are convincing her that a new life is wonderful. They destroys lives of both— Oleksandra Matviichuk (@avalaina) April 13, 2022
„Психолозите во Полска убедуваале силувана жена дека новиот живот е прекрасен. Тие ги уништуваат животите на двајцата“, напиша Матвичук.
Од почекотокот на руската инвазија на Украина, не престануваат да пристигнуваат ужасните вести за силување на украинските жени, девојки и деца од страна на рускиот агресор и сепаратистите.
Матвичук претходно напиша дека како адвокатка е свесна дека геноцидот е најтешкото злосторство за докажување. Но и дека убивањата и силувањата се јасно извршени за уништување на одредена група.
As a lawyer, I know that crime of genocide is difficult to prove. We need to convince that murders/rapes are committed with intent to destroy of a certain group. But when examine Russian propaganda, this intention becomes clear. It says that Ukrainian nation has no right to exist pic.twitter.com/eSDX3ux728
— Oleksandra Matviichuk (@avalaina) April 13, 2022
„Како адвокатка, знам дека злосторството геноцид е тешко да се докаже. Треба да убедиме дека убиствата/силувањата се извршени со намера да се уништи одредена група. Но, кога ќе се испита руската пропаганда, оваа намера станува јасна. Според Русија, украинската нација нема право да постои“, напиша Матвичук.
Американскиот претседател Џо Бајден вчера првпат изјави дека рускиот претседател Владимир Путин извршил геноцид во Украина.
„Го нареков геноцид бидејќи стана се појасно и појасно дека (рускиот претседател Владимир) Путин само се обидува да ја избрише идејата дека може да постои Украинец и доказите се зголемуваат. Но, ќе оставиме адвокатите на меѓународно ниво да одлучат дали ќе го оквалификуваат така или не, но мене така ми се чини, истакна Бајден.
„Наредба“ да се избрише украинската нација од лицето на Земјата вчера беше лиферувана и во јавноста. И тоа е директива не од било кој, туку од Руската православна црква, Московска патријаршија, Брјанска митрополија, пренесува Еуромаjдан.
„Вие сте руски воин. Ваша должност е да ја браните татковината од украинските националисти. Ваша задача е да ја избришете украинската нација од лицето на земјата. Вашиот непријател е идеологија која предизвикува грешна штета на човечката душа“, пишува на документот.
Ова е директива од црковните службеници за која многу руски војници ќе сметаат дека им дава карт-бланш што се однесува до насилството врз Украинците, пренесува Еуромајдан.
И. З.
