Отворен настан на гардата на Армијата на Република Северна Македонија и кралската гарда на Кралството Норвешка се реализираше денеска на плоштад „Македонија“ во центарот на Скопје.
Настанот е дел од предвидените меѓуармиски активности за одбележување на јубилејот 30 години од формирањето на Армијата.
На отворениот настан, граѓаните имаа можност да проследат ефективни точки во изведба на кралската гарда на Кралството Норвешка која прв пат настапува кај нас.
Ова е единствена ваква можност граѓаните да се запознаат со ефективен перформанс на гардистите од кралската гарда на Норвешка како егзерцир и други акробатски точки со воено оружје, со кои гардата е позната во светски рамки.
Настапот на гардистите, беше проследен од началникот на Генералштабот, генерал-потполковник Васко Ѓурчиновски и началникот на Вооружените сили на Кралството Норвешка, генерал Еjрик Кристоферсен кој се наоѓа во официјална посета на нашата држава, Амбасадорот на Кралството Норвешка, Јорн Еугене Гјелстад, генералите во Армијата, припадници од Министерството за одбрана и Генералштабот и од Амбасадата на Кралството Норвешка.
М. Ацковска