Јуни е месец на гордоста, кога ЛГБТК заедниците во светот се здружуваат и ја слават слободата да се биде свој, пишува Си-Ен-Ен.
Собирите на гордоста се вкоренети во историјата на малцинските групи кои со децении се бореле да ги надминат предрасудите и да бидат прифатени онакви какви што се. Оригиналните организатори го избраа овој месец да му оддадат почит на бунтот Стоунвол во јуни 1969 година во Њујорк, што помогна да се поттикне модерното движење за правата на хомосексуалците. Повеќето настани на гордоста се одржуваат секоја година во јуни, иако некои градови ги одржуваат своите прослави во други периоди од годината.
Кој го слави?
Настаните на гордоста го поздравуваат секој што се чувствува дека нивниот сексуален идентитет е надвор од вообичаениот, иако многу хетеросексуални луѓе исто така се придружуваат и даваат поддршка.
ЛГБТК е акроним што означува лезбејка, геј, бисексуалец, трансродов и квир. Терминот понекогаш се проширува во ЛГБТКИА, за да вклучат и интерсексуални и асексуалните групи. Квир е термин за не-стрејт луѓе, интерсексот се однесува на оние чиј пол не е јасно дефиниран поради генетски, хормонални или биолошки разлики, а асексуален ги опишува оние кои не доживуваат сексуална привлечност. Овие термини може да вклучуваат и луѓе чиј родов идентитет се менува со текот на времето или во зависност од ситуацијата.
Како започна?
Во раните утрински часови на 28 јуни 1969 година, полицијата извршила рација во Стоунвол Ин, геј бар во њујоршкиот Гринич Вилиџ, и почнала да ги извлекува клиентите надвор. Тензиите брзо ескалирале бидејќи луѓето се спротивставиле на апсењето, а сè поголемата толпа случајни минувачи фрлале шишиња и монети кон полицајците. Геј заедницата во Њујорк, презаситена по долгогодишното малтретирање од властите, избувна во немири кои траеле три дена.
Востанието стана катализатор за новото движење за правата на хомосексуалците, бидејќи беа формирани организации како што се Геј ослободителниот фронт и Алијансата на геј активисти, моделирани по движењето за граѓански права и движењето за правата на жените. Една година по немирите во Стоунвол, беа одржани првите маршеви на геј гордоста во нацијата. Во 2016 година, областа околу Стоунвол Ин, сè уште популарно ноќно место денес, беше прогласена за национален споменик.
Од каде потекнува името Гордост?
Во голема мера е заслужна за Бренда Хауард, бисексуална њујоршка активистка со прекар „Мајката на гордоста“, која ја организирала првата парада на гордоста за да се одбележи една година од востанието Стоунвол.
Кое е потеклото на знамето на виножитото?
Во 1978 година, уметникот и дизајнер Гилберт Бејкер бил назначен од градскиот надзорник во Сан Франциско, Харви Милк, еден од првите отворено геј избрани функционери во САД, да направи знаме за претстојните прослави на гордоста во градот.
Бејкер, истакнат активист за правата на хомосексуалците, ги зел во предвид пругите на американското знаме, но црпел инспирација од виножитото за да ги одрази многуте групи во геј заедницата. Подгрупата знамиња претставуваат други сексуалности од спектарот, како што се бисексуални, пансексуални и асексуални.
Може ли да учествувам во настани на гордоста ако не сум ЛГБТК?
Секако. Настаните на гордоста ги поздравуваат поддржувачите надвор од ЛГБТК заедницата. Тие се можности да се покаже поддршка, да се набљудува, слуша и луѓето да се едуцираат.
подготви: М. М.