Времето утре ќе биде сончево со мала до умерена локална облачност. Ќе дува слаб до умерен ветер од југозападен, а во западните делови повремено засилен ветер од западен правец. Од пладневните часови особено во северните и источните делови ќе има локална појава на нестабилна облачност со краткотраен пороен дожд и грмежи проследени со засилен ветер. УВ-индексот ќе изнесува 6.
Како што информира УХМР, во Скопје сончево со мала до умерена облачност и со слаб до умерен јужен ветер. Од пладневните часови ќе има услови за појава на пороен дожд проследен со грмежи. Температурата ќе се движи од 18 до 29 степени.
Викендов ќе преовладува променливо облачно време, наместа нестабилно со пороен дожд, грмежи и засилен ветер. Локално, особено утре ќе има услови за појава на краткотрајно невреме со силни електрични празнења, силен ветер и изолирана појава на град.
В недела и понеделник ќе дува засилен северозападен ветер што ќе услови мало опаѓање на температурите.
