Ова е исклучително важна поддршка на нашата држава од страна на македонското општество, особено за време на вооружената агресија на руската федерација против Украина, истакна украинската амбасадорка Лариса Дир во пригодниот говор.
„Војната веќе одзема многу животи од нашата држава, животи на деца, војници, волонтери, цивили,… Украина продолжува херојски да го брани не само сопствениот територијален интегритет и суверенитет. Украина, украинските војници и обичните луѓе во Украина ги бранат европските и универзалните човечки вредности по цена на сопствениот живот. Русија, државата терорист, ја продолжува својата крвава напаѓачка политика, продолжува да бомбардира цивилна инфраструктура, трговски центри, болници, железнички станици, цркви, училишта и градинки, да го уништува културното наследство на украинскиот народ“, истакна Амбасадорката.
Таа нагласи дека Северна Македонија ја поддржува и ѝ помага на Украина во сите можни сфери. Вие сте наши сигурни пријатели и сојузници, ние заедно со вас се бориме за демократската иднина на светот, рече амбасадорката Дир..
Во својот говор, таа ѝ се заблагодарам на Општина Центар, на македонскиот народ за поддршката и на патриотското здружение на Украинците.
На настанот беа изложени фотографии од уништеното културно наследство на Украина.
„Фотографиите ги покажуваат последиците од погодените од страна на руски ракети и руски авиони цркви, училишта, спортски терени, библиотеки, болници. Некогаш просперитетните градови сега се претворени во руини. Но, ние ќе ги обновиме, ќе издржиме, ќе победиме“, рече амбасадорката Дир.
Градоначалникот на Општина Центар, Горан Герасимовски, истакна дека „Алејата на Украина“, ќе биде вечен потсетник на поддршката која ја даваат граѓаните и Општина Центар на Украина и украинскиот народ.
