„Паднаа лагите на сите кои со молотови коктели и со викање протестираа пред Собранието и пред Владата. Паднаа лагите на сите кои со вувузели внатре во Собранието го попречуваа носењето на заклучоци за отпочнување на преговорите со ЕУ. Токму во тие заклучоци имаше обврска за Владата при потпишување на Договорот Фронтекс македонскиот јазик да биде без додавки“ изјави премиерот Димитар Ковачевски во вестите на Канал 5.
Тој додаде дека вчера токму тоа се случи, а најдобра потврда беше и обраќањето на претседателката на Европската комисија, Урсула фон дер Лајен на македонски јазик на социјалните мрежи.
?? Договорот со Фронтекс што го потпишуваме денес е важен.
Не само поради тоа што ја зајакнува нашата соработка во полето на миграција.
Туку поради тоа што е преведен на македонски јазик.
На исто рамниште со сите 24 јазици на ЕУ. pic.twitter.com/KWfZbc9fKk
— Ursula von der Leyen (@vonderleyen) October 26, 2022
„Фон дер Лајен изрази голема благодарност до македонските граѓани и пратеници кои ја донесоа одлуката за почеток на преговорите. Јасно кажа дека земјава ги започна преговорите“ кажа Ковачевски.
Премиерот додаде дека и тој го дели ставот на претседателката на ЕК дека одговорноста за уставните измени е на пратениците во Собранието и дека со гласањето за истите тие ќе обезбедат македонските граѓани да станат граѓани на држава членка на ЕУ и да живеат во ЕУ, а дома.
