Годишнината од смртта на Ѓерѓ Кастриоти Скендербеј, одбележувањата и оддавањето почит со новата политика на министерката за образование и спорт на Албанија, Евис Куши, секој понеделник во сите училишта да се интонира националната химна пред почетокот на наставата, кампањата на косовските дипломати за заштита на признавањето на државата, се само дел од изборот на редакцијата на ЦИВИЛ Медиа за денешниот АЛ-ПРЕС.
ТВ КЛАН – 555 години од смртта на националниот херој Скендербег – Куши: Секој понеделник наставниот процес ќе започнува со Химната на знамето
„На 555-годишнината од смртта на народниот херој Ѓерѓ Кастриоти – Скендербеу, министерката за образование и спорт на Република Албанија, Евис Куши, објави видео направено од различни училишта во 12-те области во земјата.
Куши најави дека почнувајќи од следната недела, секој понеделник, во сите училишта во земјата пред почетокот на наставата ќе се интонира Химната на знамето.“, пренесе албанскиот медиум ТВ Клан.
ГАЗЕТА ЕКСПРЕС: Косово во кампања за заштита на признавањето на државата
„Косовските дипломати ги интензивираа средбите со нивните колеги од земјите за кои Србија тврди дека го повлекле признавањето на Косово.
Претседателот на Србија, Александар Вучиќ на почетокот на јануари изјави дека девет земји го повлекле признавањето на Косово и дека чекаат десетта земја, без да прецизира за која земја се работи.“, пренесе косовскиот медиум Газета Експрес.
РАДИО КОСОВА Е ЛИРЕ: Заврши изработката на нацрт-статутот на Заедницата на општини со српско мнозинство
„Заврши изработката на нацрт-статутот на Заедницата на општини со српско мнозинство. Ова за Радио Косово го соопшти портпаролот на германскиот институт „Фондацијата Фридрих Еберт“, Рене Шле.“, пренесе косовскиот медиум Радио Косова е Лире.
ГАЗЕТА ЕКСПРЕС: Косово надвор од контекстот на албанскиот национализам
„Ако прашањето за Косово не го третираме од гледна точка на националистичката доктрина, како „албанско прашање“, туку на ниво на либерални идеи и човекови права, се покажува дека е за среќа решено прашање. Така како што го третираат САД и Западот, „успешна приказна“.“, извадок од колумната „Косово надвор од контекстот на албанскиот национализам“, од Халил Матоши објавена на косовскиот медиум Газета Експрес.
Д. Тахири / ЦИВИЛ Медиа
