Претседателот на Турција ги призна „недостатоците“ во одговорот на неговата земја на најсмртоносниот земјотрес во светот во повеќе од една деценија.
Со оглед на тоа што бројот на загинати во Сирија и Турција сега изнесува 17.000, Реџеп Таип Ердоган ја посети тешко погодената провинција Хатај за да се сретне со преживеаните. Повеќе од 3.000 луѓе загинаа во областа, а земјотресот уништи цели населби.
Тамошните жители го критикуваа одговорот на владата на катастрофата, велејќи дека спасувачите бавно пристигнуваат со храна, шатори и опрема за да бараат преживеани.
„Се разбира, има недостатоци. Не е можно да се биде подготвен за ваква катастрофа“, рече Ердоган и возврати кон критичарите дека „нечесните луѓе“ шират „лаги и клевети“ за постапките на владата.
Земјотресот ја уништи и пистата на аеродромот во Хатај, дополнително нарушувајќи го пристапот.
А. Р.
