„Сè во исто време“ освои вкупно седум Оскари, германскиот филм „На запад ништо ново“ се закити со четири златни статуетки, а „Кит“ со две.
Научно-фантастичната комедија „Сè во исто време“ во режија на Даниел Кван и Даниел Шајнерт е апсолутен победник на 95-тото доделување на Оскарите.
Филмот за азиско имигрантско семејство кое еден ден заглавува во мултиверзумот го освои Оскар за најдобар филм, Кван и Шајнерт освоија Оскар за режисер и оригинално сценарио, ѕвездата на филмот Мишел Јео стана првата актерка со азиско потекло што освоила Награда од Академијата за најдобра женска улога, а наградите за најдобра споредна машка и женска улога отидоа во рацете на Ке Хју Куан и Џејми Ли Кертис. Конечно и Пол Роџерс си оди дома со познатата златна статуетка.
Michelle Yeoh accepts her #Oscar for Best Actress: “For all the little boys and girls who look like me watching tonight, this is a beacon of hope and possibilities. This is proof that dreams do come true.” https://t.co/ndiKiHfmID pic.twitter.com/pQN8nHDhCx
— Variety (@Variety) March 13, 2023
Германскиот антивоен филм „На запад ништо ново“ на швајцарскиот режисер Едвард Бергер освои четири Оскари, вклучувајќи ги и оние за најдобар меѓународен филм, филмска музика, филмска фотографија и сценографија.
Оскар за најдобра машка улога му беше доделен на американскиот актер Брендан Фрејзер за неговата улога во филмот „Кит“ во режија на Дарен Аронофски. „Кит“ е награден и за шминка и маска.
Brendan Fraser accepts the #Oscar for Best Actor for #TheWhale. https://t.co/ndiKiHfmID pic.twitter.com/kNuDy85dpH
— Variety (@Variety) March 13, 2023
За најдобар долгометражен анимиран филм е прогласен „Пинокио на Гиљермо дел Торо“ на мексиканскиот режисер Гиљермо дел Торо. За најдобар долгометражен документарен филм е прогласен „Навални“ на режисерот Даниел Роер, филм за водачот на руската опозиција кој моментално се наоѓа во затвор во Русија.
“Alexei, the world has not forgotten your vital message to us all: We cannot, we must not be afraid to oppose dictators and authoritarianism wherever it rears its head.”
“Navalny” wins the Academy Award for Best Documentary Feature Film.#Oscarshttps://t.co/OizA2V1EIT pic.twitter.com/XKW3M1wJjR
— ABC News (@ABC) March 13, 2023
„Многу му должиме на семејството Навални. Ви благодариме за вашата храброст. Светот е со вас. Алексеј Навални не можеше да биде со нас. Тој е во самица. Сакам да го посветам овој филм на сите политички затвореници“, рече Роер.
Оскарот за најдобра песна им припадна на М. М. Кееравани и Чандрабос, автори на хитот „Наату Наату“ од филмот „РРР“.
Преносот на Оскарите траеше близу три и пол часа. Водителот Џими Кимел не ризикуваше премногу со хумор, а постојано се осврнуваше на шамарот што Вил Смит му го даде на комичарот Крис Рок минатата година. Со оглед на тоа што доделувањето на наградите помина без инциденти и во лежерен тон, Кимел би можел да биде поканет од Академијата да биде домаќин и на 96. награда.
Подготви: Ј. Ѓ.
