Планираната демилитаризација на руската армија се одвива во градот Бахмут, Донецката област, изјави во интервју за Радио НВ на 20 март украинскиот офицер Петро Волошченко, со воено име Стоун, пренесува The New Voice Of Ukraine.
Според украинскиот офицер, одбранбените сили ги „толчат“ Русите и го чекаат нивниот последен самоубиствен напад во Бахмут.
Волошченко, во интервјуто на НВ Радио ја дава својата проценка за ситуацијата во Бахмут.
Портпаролот на Оперативната команда Исток на Украина, Серхиј Черевати изјави дека напаѓачите извршиле инерцијални напади во областа Бахмут: Очигледно е дека руските трупи нема да можат да го освојат Бахмут, но тие сè уште се движат кон него со овие инерцијални бранови.
Да, сега апсолутно се согласувам со мислењето на портпаролот на Источниот фронт, тој е во право. Отпрвин, нападите имаа повеќе или помалку јасни, барем некои контури. Но, сега застанаа на специфични точки, (реката) Бахмутка на исток. Тие се обидуваат да ја премостат таа река, да изградат некои инженерски речни премини. Но, сето ова е опфатено со нашите минофрлачи, нашите момци, кои се на поповолни позиции, рече Волошченко.
Истата е ситуацијата на северот, застанаа. Немајќи многу успех, пред околу пет дена окупираа една од продавниците, направија радосно селфи.
И тоа е тоа. Тогаш нашите момци ги опколија и уништија таму, така што нема повеќе селфиња, вели Волошченко.
На југ руските сили се обидуваат да дојдат до таканаречениот „авион“. (споменик на авионот Миг-17 на западниот влез во Бахмут). На 10 март беше објавено дека споменикот е уништен.
За жал, „авионот“ веќе не постои. Бидејќи руските сили не можеа да го освојат крстопатот Чајковски, го уништија споменикот физички од далечина.
Потао застанаа од три насоки и сега се случуваат такви инерцијални напади: напредуваат – умираат.
Се чини дека командата не им кажува на оние нови групи што влегуваат по претходните дека станува збор за зона на отворен оган. Гледаме дека ова е едноставно некои планирани демилитаризација на руската армија, вели Волошченко во интервјуто.
Подготви: Д. Мишев
Извор: ЦИВИЛ Медиа
