Шпанија има намера да ги испрати првите шест главни борбени тенкови Леопард 2А4 во Украина по Велигден за да му помогне на Кијив да се спротивстави на руската инвазија, пишува весникот Ел Паис, кој се повикува на извори од шпанската влада, пренесува Укринформ.
Сите шест тенкови се веќе обновени во фабриката Санта Барбара Системас во Севиља, а оваа недела тие изведуваат вежби за гаѓање на полигонот Серо Муријано во Кордоба. По добивањето на борбената потврда, тие ќе бидат префрлени по морски пат во Полска.
Германија веќе и предаде на Украина 18 тенкови Леопард 2А6. Украина доби и три тенкови 2А6 Леопард од Португалија.
