Пред Парламентот во Белград започна седмиот протест „Србија против насилство“. Оваа сабота протести се одржуваат и во Крагуевац, Нови Сад и Ниш, објави N1.
Организаторите на протестите вчера одлучија да ја скратат маршрутата, како што велат, на барање на граѓаните на кои претходно најавената рута им била премногу долга.
На почетокот на протестот во Белград пред граѓаните се обрати новинарот Смиљан Бањац, кој истакна дека „доколку не бидат исполнети барањата, од следниот пат тргнуваме во конкретни акции“, порачувајќи „или ќе запре насилството, или ќе запре Србија“.
Барањата од овие протести се „да престане промовирањето насилство во јавниот простор, тоа подразбира итно разрешување на сите членови на РЕМ, итно укинување на емитувањето на реални шоуа и емисии кои промовираат насилство, агресија, неморал на телевизија со национална фреквенција, забрана на печатени медиуми чија содржина промовира насилство, агресија, објавува лажни вести и го прекршува новинарскиот кодекс, одземање на националната фреквенција на ТВ Пинк и ТВ Хепи, како и институционална одговорност што значи разрешување на министерот за внатрешни работи Братислав Гашиќ и првиот човек на БИА Александар Вулин“.
Šta kažu nema ljudi 💪 pic.twitter.com/modE44I64C
— Dobar Loš Vučić (@asomakumbrother) June 17, 2023
По одржаните говори, во градовите каде се организирани собири тргнаа протестните прошетки.
Протестите „Србија против насилство“ почнаа да се одржуваат од 8 мај.
Српскиот претседател Александар Вучиќ ќе и се обрати на нацијата утре, недела, 18 јуни, во 10 часот, соопшти неговиот кабинет. Причината за ова уште едно вонредно обраќање на претседателот на Србија не е прецизирана.
Г. Т.
