Лидерите на Европската Унија и Западен Балкан, денеска беа примени од албанскиот премиер Еди Рама во просториите на премиерскиот кабинет, за продолжување на Самитот на Берлинскиот процес, пренесува Топ Чанел.
По церемонијата на приемот, лидерите се упатија кон Пирамидата, каде што се одржува Самитот на Берлинскиот процес што се одржува во Тирана.
Албанскиот премиер Еди Рама на влезот на Самитот ги истакна разликите меѓу земјите членки и земјите кои не се членки на Европската унија. Според него, економските ветувања од Берлинскиот процес не се реализирани.
„Најголемиот политички предизвик е болната поделба меѓу членките на ЕУ и не-членките. Да се живее без ЕУ не е лесно. Можеме ли да си ги дозволиме овие разделби? Економските ветувања од Берлинскиот процес не се реализирани, особено ако се споредат со трансформативниот начин на размислување што го донесе“, рече Рама.
Германскиот канцелар Олаф Шолц, „архитектот“ на Берлинскиот процес, изјави дека самитот на Берлинскиот процес ја докажал непобитната важност на Западен Балкан во унијата. Според Шолц, влијанието на договорите потпишани минатата година од Берлинскиот процес е конкретно и се очекуваат други. Меѓутоа, по агресијата на северот на Косово, дојде време да се надминат конфликтите кои го одржуваат регионот на место.
И претседателот на Европскиот совет, Шарл Мишел, ја истакна важноста на интеграцијата на Западен Балкан во Европската Унија. Мишел рече дека двете страни треба да бидат подготвени за проширување до 2030-тите.
„Проширувањето е инвестиција во мирот и просперитетот на ЕУ и нашите идни членки. Вашето патување започна пред повеќе од 20 години во ЕУ. Тоа беше многу бавен пат. Разочарувачки. Но, сега, верувам дека треба да бидеме подготвени од двете страни до 2030 година да се прошириме. Војната во Украина ни го насочи вниманието кон експанзијата“, порача Мишел.
Претседателката на Европската комисија Урсула фон дер Лајен ја покажа намерата на унијата да му овозможи на Западен Балкан пристап до заедничкиот европски пазар.
„Поради оваа причина го претставив планот за раст. Сакаме да им овозможиме пристап до заедничкиот европски пазар. За ова ни требаат реформи во Западен Балкан и оние кои имаат волја за реформи ќе добијат средства од Европската Унија. Тоа е стимул за оние кои навистина сакаат да одат напред. Нашите врати се отворени, па ајде да работиме на ова напредување со овој план за раст“, посочи фон дер Лајен.
Два се главните елементи што треба да се анализираат на Форумот на лидери на процесот во Берлин.
Прв е политичкиот елемент.
Еден од столбовите на Берлинскиот процес воспоставен во 2014 година е добрососедството во регионот. И во тој контекст, тензичната ситуација по 24 септември на северот на Косово е тема за која се разговара уште повеќе бидејќи двајцата архитекти на француско-германскиот план утре ќе престојуваат во Тирана.
Вториот и најважен аспект, оној со економски карактер.
На 31 мај 2023 година, од форумот ГЛОБСЕК во Братислава, претседателката на Европската комисија, Урсула фон дер Лајен, објави дека ЕУ работи на „Нов план за раст“ за земјите од регионот, но не даде бројки. за тоа од што се состои овој план во финансиска смисла.
Д. Т. / Цивил Медиа
