Пишува: ДЕСТАН ЈОНУЗИ
Потребата за убавина, како висока естетска категорија, величествената архитектура, литературата и музиката, во синхронизација со високите духовни барања, биле главните импулси што ја довеле западната цивилизација, како што вели, Умберто Еко: „… да придонесе повеќе од било што за изградба на она што е Европа денес“.
Но, ние, отцепувајќи се од постулатите на оваа цивилизација, по османлиското ропство, бевме тешко погодени од грдотијата и, како што забележаа писателите и истражувачите, не покажавме чувствителност кон убавината.
Во земја каде што политичарите и олигарсите се ставени под западни санкции, а опозицијата е радикална и националистичка, треба да се има чувствителност за скапите сметки за застој на евроинтеграцискиот процес, но и за културната и естетската убавина.
Општество кое дење и ноќе се храни со политички изјави и истите се претвораат во пароли и секојдневна храна, тоа општество има сериозни проблеми со своето „политичко здравје“.
А впрочем, веќе извесно време, дел од нашето општество, единствен извор на ментална и духовна храна, наоѓа во јалови патриотски изјави, по што е фасциниран, како да се уметнички ремек-дела. Овој дел од општеството толку брзо ги голта овие изјави што често им се „лепат во грлото“.
Како резултат на тоа, поради блокадата на работата на Собранието, неизгласувањето на уставните амандмани, патот на Северна Македонија кон западната цивилизација, кон ЕУ, за кратко запре, но несомнено ќе продолжи, бидејќи мнозинството граѓани и граѓанки се за продолжување на оваа стратешка определба на државата.
Луѓе, нема плод од празни изјави и декларативна грижа, тие се само пароли, по што доаѓа реалноста. Сметката на овој деструктивен опозициски пристап кон стратешките определби на државата е многу поскап од нивниот националистички и конзервативен наратив.
На чело на македонската опозиција имаме заблудeни и злонамерни лидери, кои зборуваат само за негативни теми, кои ја изолираа државата, а сè што прават е: пропаганда, задача што ја вршат со ќеф.
Опозициската пречка на евроинтегративниот пат на Северна Македонија треба да го шокира секој човек во нашата земја.
Како да се ослободиме од овие „кончничари“ на европската перспектива и иднина на Северна Македонија?
Секој совесен граѓанин на Северна Македонија, на 8 мај, може со својот глас да ја отвори перспективата на земјата, наместо да ја изолира и да ја отуѓи проевропската насока од Брисел кон Москва!
Лидер на опозицијата, кој и да е, не можат да го заштитат сите зборови на светот, ако зад себе нема вистински дела за својата земја.
Овој нашиот има сѐ, само добри дела НЕ!
