Пишува: ДЕСТАН ЈОНУЗИ
Опозиција која ја става својата земја под „санкции“ на Западот, не може да има ни најмала чувствителност за скапите сметки за струја.
Вистината е дека Северна Македонија скапо ја плаќа негативната и деструктивна енергија на опозициските лидери и нивните медиокритетни следбеници.
Општество кое дење и ноќе се храни со политички изјави и тие изјави се претвораат во пароли и секојдневна храна, тоа општество има сериозни проблеми со своето здравје.
А впрочем, веќе извесно време дел од нашето општество, единствен извор на ментална и духовна храна, има јалови патриотски изјави, што го фасцинираат како да се уметнички ремек-дела.
Овој дел од општеството толку брзо ги голта овие несреќи што често им се лепат во грлото. Нема плод од празни изјави и декларативна грижа, тие се само „очи во очи“, по што доаѓа реалноста.
Па, нашата политичка реалност е многу тешка.
Сметката за овој злобен опозиционизам е многу поскапа од превисоките сметки за струја.
На чело на опозицијата имаме залутани и злонамерни лидери, кои зборуваат само за негативни теми, кои ја изолираа државата и се што прават е: пропаганда, задача што ја извршуваат со ќеф.
Значи, Северна Македонија е под западни „санкции“, поради не сериозноста и пристапот на опозицијата кон уставните измени, и ова треба да го шокира секој човек од нашата земја. Да, оваа катастрофа треба да го засрами секој совесен човек.
Шефот на опозицијата, кој и да е, не можат да го заштитат сите зборови на светот, ако зад себе нема вистински дела и видлива работа.
„Чувството за убавина игра незаменлива улога во обликувањето на човечкиот свет“, вели еминентниот филозоф Роџер Скротон, во книгата „Убавина“.
Овој стандард, како етика и естетика, ја обликуваше западната цивилизација во сета своја величественост, која и покрај нејзината декаденција, со своето наследство, зашеметува, угодува, фасцинира и присвојува.
Оваа неисхранетост, која нашето општество ја зема во повеќекратни и зголемени дози, може еден ден да предизвика фатални последици. Исто така и нашиот имунитет е ослабен.
