Терористичката ИСИС (Исламска држава) ја презеде одговорноста за нападот во популарниот концертен комплекс во близина на Москва, во кој загинаа најмалку 115, а повеќе од 140 беа ранети, откако напаѓачите упаднаа на местото со автоматско оружје и запаливи направи, пренесува Би Би Си, повикувајќи се на Рускиот истражен комитет.
Според објавата на Телеграм што ја сподели комисијата, службите за итни случаи кои ги расчистуваат урнатините на местото на концертот пронашле повеќе мртви тела.
„Бројот на загинати во моментов изнесува 115 лица“, се вели во соопштението, додавајќи дека потрагата продолжува.
Терористичката група ја презеде одговорноста за нападот во краткото соопштение објавено од новинската агенција Амак, поврзана со ИСИС, синоќа на Телеграм. Групата не обезбеди докази за поддршка на тврдењето.
Видео снимката од местото на нападот, местото на концертот на градското собрание Крокус, го покажува огромниот комплекс, во кој се наоѓаат и музичката сала и трговскиот центар, во пламен и чад што се издигнува во воздухот. РИА Новости објави дека вооружените лица „отвориле оган со автоматско оружје“ и „фрлиле граната или запалива бомба, што предизвикало оган“. Тие потоа „наводно избегале со бел автомобил Рено“, објави новинската агенција.
Државниот медиум „Русија 24“ објавија дека покривот на местото на настанот делумно се урнал.
Нападот се случил пред да настапи музичката група Пикник, според Русија 24. Менаџерот на бендот изјавил за државните медиуми дека изведувачите се неповредени.
Руското државно обвинителство соопшти дека „Неидентификувани лица со камуфлажа упаднале во градското собрание на Крокус и почнале да пукаат пред почетокот на концертот“, пренесе ТАСС.
Четири лица директно вклучени во нападот на концертната сала во Москва се меѓу 11-те приведени, изјавил шефот на руската безбедност, пишува Би Би Си.
Околу 100 луѓе беа евакуирани од зградата од страна на пожарникарите, јави ТАСС. Спасувачите се уште работат на симнување на луѓето од покривот, соопшти Главната управа на Министерството за вонредни ситуации на Руската Федерација.
Подготви: Ј. Ѓ.
Поврзано:
(ВИДЕО) Најмалку десетина убиени, а многу повеќе ранети во пукање во концертна сала во Москва
