Пред да го започне својот нов мандат како шеф на НАТО, Марк Руте веќе минува низ неколку биографии од оние кои би можеле да бидат негова десна рака.
Актуелниот заменик, Мирчеа Џоана, која ја извршуваше функцијата од 2019 година, се очекува да се повлече за да се кандидира на романските претседателски избори во ноември, изјавија претставници на НАТО за ПОЛИТИКО.
Разговорот во седиштето на НАТО се фокусира на две поранешни функционери од Северна Македонија и Бугарија, две балкански земји кои некогаш биле под советска контрола до крајот на Студената војна.
„Можеби функцијата ќе и припадне на жена од Источна Европа“, изјави поранешната портпаролка на НАТО, Оана Лунгеску за ПОЛИТИКО.
Руте ќе го преземе кормилото на НАТО на 2 октомври, во време кога воената алијанса се стреми кон итна мисија да го поддржи источното крило со цел да спречи каква било потенцијална руска агресија. Германија, на пример, проценува дека Русија би можела да биде подготвена воено да ги нападне земјите на НАТО за пет до осум години, доколку одлучи да го стори тоа.
Тоа го прави релевантно длабокото знаење во кремлинологијата кога станува збор за изборот на Руте за негов заменик, пишува Политико.
Името на поранешната министерка за одбрана на Северна Македонија, Радмила Шекеринска е широко распространето, според дипломат на НАТО и висок функционер на НАТО. Доколку биде избрана, таа ќе биде највисокиот функционер на НАТО досега од регионот на Западен Балкан надвор од Европската унија. Земјата влезе во НАТО пред четири години, а Шекеринска имаше клучна улога во нејзиното членство.
Шекеринска моментално е потпретседател на Партијата на европските социјалисти ширум Европа. Во интервјуто по целосната руска инвазија на Украина, таа го отфрли тврдењето на Русија дека проширувањето на НАТО кон исток е „злобен план на Западот“.
„Напротив, првично големите членки на НАТО немаа посебен апетит за проширување“, рече таа.
Мајда Руге, виш политички соработник во тинк-тенк Европскиот совет за надворешни односи, ја пофали како идеален кандидат.
„За следниот [заменик-генерален секретар], на НАТО ќе му треба висока личност која е високо компетентна, има храброст, паметна е за работи што се однесуваат на Русија и исто така ги разбира предизвиците во Западен Балкан. Радмила Шекеринска совршено се вклопува во тој профил“, рече Руге. кој е експерт за балканскиот регион.
Друг кандидат е поранешниот вицепремиер и поранешен еврокомесар на Бугарија, Марија Габриел, според двајца функционери со директно знаење за нејзините планови.
„Постојат гласини околу поранешната еврокомесарка и бугарска вицепремиерка Марија Габриел“, рече Лунгеску.
Извор: Политико
Преземено до Цивил Медиа
