За да дојдете во контакт со девојка за придружба, или популарно „ескорт-дама“, не ви треба многу. Најважно е да си знаете неколку популарни меѓунардони страници – што ќе ве однесе на патот кон „добра забава“.
Неколку онлајн-страници на Интернет, се грижат странски девојки кои се занимаваа со проституција во Скопје, да добијат резервации од клиенти заинтересирани за нивните услуги. Младите жени на возраст од 20 до 30 години, главно од земјите од Латинска Америка, ги придружуваат своите клиенти во замена за соодветен надомест. Според полициските извештаи, тие се платени од 200 до 800 евра.
Со едноставна опсервација на интернет страницата „Еuro girls escort“, која служи за пронаоѓање „придружници“, излегува дека во Македонија има 410 девојки во оваа незаконска дејност. Од кои 408 работат во Скопје, додека останатите во Тетово и Охрид.
Во меѓувреме, на страницата на оваа незаконска активност, се забележува дека девојките кои се занимаваат со проституција во Северна Македонија доаѓаат од различни земји: Бразил, Колумбија, Украина, Русија, Турција, Романија итн.
Единицата за борба против трговија со луѓе и криумчарење мигранти на Министерството за внатрешни работи уапси четири лица за посредување при вршење проституција и перење пари.
Според МВР, осомничените организирале мрежа за врбување, превезување и сместување на жени од Бразил во Скопје, со цел вршење проституција.
Првичните информации покажуваат дека групата, вклучувајќи бразилска државјанка и двајца македонски државјани, прифатила пет жени од Бразил кои биле сместени во изнајмени станови во комплексот „Џевахир Холдинг“ во Скопје.
Жените, сексуалните услуги ги нуделе откако претходно привлекувале клиенти преку меѓународна веб платформа за ескорт девојки, на која објавувале профили со фотографии и цени за услуги.
Првоосомничената ја имала контролата врз профилите на девојките и организирала распоред на клиентите.
За своите услуги, таа добивала процент од заработката на девојките, додека останатите осомничени се грижеле за логистиката, безбедноста и потребите на девојките.
Се тврди дека дел од заработените пари биле праќани преку електронски трансфери кон лица во Португалија и Бразил, а дел биле уплатувани за закуп на станови и други потреби.
Еден од осомничените пак бил ангажиран околу перење на парите преку криптовалути, со цел да го прикрие потеклото на средствата.
При претресите во домовите на осомничените, полицијата пронашла мобилни телефони, лаптопи, оружје и значителни суми на пари во различни валути.
МВР продолжува со истрагата за утврдување на сите детали околу оваа криминална мрежа.
– Според досегашните сознанија, во периодот од декември 2023 година наваму првоосомничената, инаку бразилска државјанка, со дозвола за привремен престој во РСМ, заедно со второ и трето осомничените – македонски државјани, како и со две неидентификувани лица од Р.Португалија, од користољубие со умисла организирале врбување, прифаќање, превезување и сместување на женски лица од Бразил. Тие, во посочениот период, заради вршење на проституција, во РСМ, прифатиле пет бразилки од 26 до 38 години кои ги сместувале во претходно изнајмени станови во Скопје, во комплексот „Џевахир“. Девојките во двата стана каде што биле сместувани давале сексуални услуги на клиенти кои со нив стапувале во контакт преку меѓународна веб страна наменета за понуда на ескорт девојки во цела Европа. На страницата девојките имале креирани еден или повеќе профили на кои биле постирани телефонски броеви, ценовник на сексуални и дополнителни услуги и фотографии со експлицитна содржина. Првоосомничената ги контролирала профилите на девојките, контактирала со потенцијалните клиенти: го организирала дневниот распоред на клиентите за секоја девојка; го определувала времетраењето на давање на услугите кои се движеле од 150 евра за половина час; 200 евра еден час; 300 евра два часа; 450 евра за три часа и 800 евра за цела ноќ за сексуални услуги; одобрувала дополнителни услуги за клиентите кои чинеле од 70 евра и повеќе; и гарантирала за безбедноста на девојките. За нејзиниот ангажман добивала 30% од заработувачката на девојките што ја делела со второ и третоосомничениот кои пак организирале прифаќање, превоз, сместување, безбедност и грижа за секојдневните потреби на девојките, пишуваат во своето соопштение од МВР.
Со намера да го прикрие вистинскиот извор, локацијата, понатамошниот тек и вистинските сопственици на паричните средства стекнати со вршење на кривично дело „Посредување при вршење на проституција“, првоосомничената дел од паричните средства преку систем за електронски трансфер на пари за територијата на РСМ ги уплаќала, во износ од 26.151 евра, кон четири лица во Португалија и три лица во Бразил. Второосомничениот пак, во два наврати дел од паричните средства стекнати од претходно сторено кривично дело во износ од 3.000 УСД ги уплатил кон едно лице во Норвешка, а во повеќе наврати извршувал готовински исплати на парични средства во износи од 440 евра по основ на закупнина за становите, а направил и повеќе готовински исплати на парични средства за различни сопствени потреби и потреби на девојките. Третоосомничениот преку субагент за трансфер на пари износ од 1.965 евра испратил на првоосомничената на нејзина сметка во Португалија, а 150 евра испратил кон физичко лице во Колумбија.
Четвртоосомничениот пак, кој во повеќе наврати бил корисник на сексуални услуги од една од девојките, дури и со одобрување на првоосомничената и со паричен надоместок од најмалку 5000 евра по патување, што и било исплаќано на првоосомничената, бил придружуван од девојката при неговите патувања во Рим и Лондон. Откако ја стекнал довербата на девојката, со цел да ги пушти во оптек и да го прикрие потеклото на паричните средства што девојката ги прибавила со извршување на казнивото дело „Оддавање на проституција“ по чл.19 од Законот за прекршоци против јавниот ред и мир, ѝ креирал кориснички профил на веб платформа за тргување со електронски пари (крипто валути) иако знаел дека парите девојката ги прибавила со казниво дело. Преку профилот и со поседување на електронски паричник (wallet), девојката непречено можела да врши трансакции и да го прикрие изворот на паричните средства.
– Инаку, врз основа на издадени наредби од Судија на претходна постапка од Основен кривичен суд Скопје, во рамки на активностите за расчистување и документирање на случајот, полициски службеници на подрачјето на Скопје и Куманово извршија пет претреси во дом и други простории кај пријавените лица. Од извршените претреси пронајдени и привремено одземени се 10 мобилни телефонски апарати, седум СИМ картички, лаптоп, огнено оружје (два пиштоли), одредена сума на девизни и денарски парични средства (2480 евра, 20 фунти, 27.100 денари), разна документација (шест потврди за брз трансфер на пари, договор за закуп на стан, четири банкарски картички) и друго, се вели во соопштението од МВР.
Дестан Јонузи
