Индија стана четвртата земја која успешно постигна спојување (приклучување docking) без екипаж во вселената, подвиг што се смета за клучен за идните мисии бидејќи Њу Делхи го зацврстува своето место како глобална вселенска сила, пренесува Си-Ен-Ен.
Соединетите Американски Држави, Русија и Кина се единствените други земји кои ја развија и тестираа способноста за спојување .
„Спојувањето на вселенското летало е успешно завршено! Историски момент“, соопшти Индиската организација за вселенско истражување (ISRO) на X.
Мисијата на индиската вселенска агенција, наречена Space Docking Experiment (SpaDex), вклучуваше распоредување на две мали вселенски летала, тешки по околу 220 килограми, во ниската орбита на Земјата. Двете вселенски летала наречени Таргет и Чејзер, беа лансирани од вселенскиот центар Сатиш Даван во јужната држава Андра Прадеш на 30 декември на ракета PSLV од индиско производство.
Технологијата за приклучување е од клучно значење за идните вселенски напори, како што е сателитско сервисирање и кога се потребни повеќекратни лансирања на ракети за да се постигнат целите на мисијата.
Технологијата ќе и овозможи на Индија да пренесува материјали од еден сателит или вселенско летало на друг, примероци од Месечината или, евентуално, луѓе во вселената, изјави Синг за новинарите на прес-конференција на 31 декември.
Како дел од мисијата, споените вселенски летала ќе демонстрираат и пренос на електрична енергија меѓу нив, откако ќе се поврзат. Ова е од суштинско значење за функционирање на роботиката во вселената, контролата на вселенските летала и операциите на носивост за време на идните мисии.
Пред приклучувањето, Индија во неделата спроведе „пробен обид“ каде што двата сателити беа прогресивно приближувани еден до друг во орбитата додека не се оддалечат од 3 метри, пред да се вратат на „безбедно растојание“.
Успешното приклучување дојде откако експериментот двапати беше одложен на 7 и 9 јануари поради технички проблеми.
Ј. Ѓ.
