Европската комесарка за проширување, по синоќешната средба со српскиот претседател Александар Вучиќ во Белград, објави дека „моментумот“ за европско проширување е реален и дека Унијата сака Србија да ја искористи таа можност.
„Навремена средба со претседателот на Србија. Моментумот за проширување на ЕУ е реален и сакаме Србија да ја искористи оваа можност што се случува еднаш во генерацијата и да ја комплетира нашата Унија“, напиша Кос на својот профил на мрежата X по средбата со Вучиќ.
Кос додаде дека за тоа е потребно да се преземат „конкретни чекори во однос на демократските принципи и реформи“.
„Време е за дејствување“.
Кос е во дводневна посета на Србија од вчера за време на која веќе се сретна со претседателот Вучиќ, со премиерот Ѓуро Мацут и претседателката на Собранието Ана Брнабиќ.
