Граѓаните и студентите незадоволни од режимот на Вучиќ во Србија, почнаа да се собираат кај Правниот и техничкиот факултет на Универзитетот во Белград, непосредно пред 17 часот, од каде што ќе се упатат во групи кон Славија, каде што ќе се одржи протестната програма „Се гледаме на Видовден“, закажан за 18 часот, пишува Н1.
Во пресрет на протестот, тие доставија два ултиматума до владата на Србија – распишување вонредни парламентарни избори и прекин на собирот на чаците во Пионирски парк.
Голем број граѓани се собираат на Плоштадот на Републиката во Белград.
16.39h na Trgu republike više hiljada pretežno ekipe iz#NoviSad pic.twitter.com/lspXGkJuxp
— zarko bogosavljevic (@zarkobns) June 28, 2025
Студентите на Факултетот за драмски уметности (ФДУ) се упатија кон Славија, а на чело на колоната беше транспарентот „Тик-так, тик-так“.
JOŠ 1 SAT: Tik-tak. pic.twitter.com/LRU5kI302B
— FDU u blokadi (@sviublokade_fdu) June 28, 2025
Власта со опструкции и сценарија за да ги спречи незадоволните граѓани од режимот на Вучиќ да присуствуваат на најавениот голем протест.
Како што јавуваат српските медиуми полицијата запира комбиња и автобуси кои се упатуваат кон Белград, одзема регистарски таблички и ги праќа на вонреден технички преглед.
Како што јавуваат српските медиуми полицијата запира комбиња и автобуси кои се упатуваат кон Белград, одзема регистарски таблички и ги праќа на вонреден технички преглед.
Утрото, сообраќајната полиција запре минибус што превезуваше студенти на протест во Белград на наплатната рампа на автопатот Нови Сад – Белград.
Градскиот превоз во централниот дел на Белград попладнево е запрен и на возилата им е наложено да се вратат во гаража.
Возилата на градскиот превоз во Белград повеќе не сообраќаат, а кога повторно ќе се вратат на улиците засега не се знае.
До Белград нема да може да стигнете со воз, откако компанијата „Србијавоз“ го прекина железничкиот сообраќај во петокот поради, како што рече власта на Вучиќ, наводна пријава за поставени бомби на сите пруги и во сите возови.
Полицијата го запре сообраќајот на автопатот во близина на Сава Центарот, а возилата што доаѓаат од правец на Нови Сад се пренасочуваат кон мостот на Ада.
Претседателот на Србија, Александар Вучиќ, синоќа изјави дека „Србија не го прифаќа ултиматумот“.
„Српската држава многупати се соочуваше со ултиматуми од странски големи сили. И овојпат, странските сили ни испратија ултиматум преку домашни послушници. Одговорот на српската држава беше секогаш ист… Ултиматумот не е прифатен, не мора да чекате до 21 часот утре“, рече Вучиќ.
Тој денеска рече дека очекува инциденти на протестот и дури го прецизира и времето кога ќе се случат. Тврди дека „насилството ќе започне помеѓу 20:45 и 21:45 часот“.
„Ќе има насилство, тие не можат да излезат од тоа. Никој нема да ги слуша нивните говори“, изјави Вучиќ пред новинарите во Палатата на Србија по доделувањето награди на поединци и институции по повод Видовден.
Тој додаде дека државните власти ќе се обидат да бидат воздржани и трпеливи, а организаторите на собирот нема да бидат задоволни од резултатите од тој протест.
Во Белград, истовремено, чаците („студентите 2.0“), организираат литературна вечер пред Народното собрание, каде пристигнуваат и поддржувачи на Вучиќ.
Голем број поддржувачи на СНС се упатија кон Пионерскиот парк, а претходно се собраа кај Палатата на Србија, од каде што со автобус дојдоа од различни делови на Србија. „Се надевам дека сè ќе помине мирно, дека ниту тие ниту ние ќе пролеваме српска крв на српска земја на Видовдан“, рече еден граѓанин. Неколку граѓани за Н1 изјавија дека сакаат да ја изразат својата поддршка за Александар Вучиќ.
Во кампот на чаците – Пионирскиот парк – е најавена литературна вечер. Точното време на настанот, односно кога би можела да започне литературната вечер, не е прецизирано, но беше најавено дека ќе биде поставена мала сцена, чија инсталација започна синоќа, пред српскиот Парламент.
Во Палатата на Србија, во 10 часот наутро, претседателот на Србија, Александар Вучиќ, ќе им додели награди на заслужни поединци и институции по повод Видовден.
По повод Видовден, Владата на Србија ќе одржи свечен состанок во Градското собрание во Крушевац во 11 часот, додека во 12 часот ќе се одржи државна церемонија.
Ј. Ѓорѓиоски
