Руската Федерација употреби речиси 50 ракети, над 3.270 ударни беспилотни летала и 1.370 наведувани воздушни бомби против Украина оваа недела, објави украинскиот претседателот Володимир Зеленски на Фејсбук, пренесува Укринформ.
„Украина никогаш не барала војна. Се согласивме на безусловно примирје, баравме можности за мир и постојано му нудевме на светот начини да ги запреме нападите на небото, на копно и на море. Но, Русија е таа што постојано го попречува овој процес – манипулира, ги одолговлекува преговорите, ги тероризира нашите луѓе со воздушни напади и ги интензивира нападите по фронтовската линија. Војната продолжува само затоа што Москва не сака да заврши“, изјави Зеленски.
Тој нагласи дека речиси секој ден, Русите извршуваат стотици напади врз критичната и цивилна инфраструктура на Украина.
Според него, само оваа недела, Русија употребила повеќе од 3.270 борбени беспилотни летала, 1.370 наведувани воздушни бомби и речиси 50 ракети од различни видови против Украина.
„Постојано ја зајакнуваме нашата одбрана и работиме со партнерите за подобрување на воздушната одбрана: иницијативата PURL, инвестициите во одбранбената индустрија на Украина, билатералните и мултилатералните формати“, подвлече Зеленски.
Тој верува дека зборовите на Путин нема да го спречат ова; потребен е притисок.
„Светот гледа дека Русија реагира на сила, што значи дека мирот преку сила може да функционира. Украина никогаш нема да им додели на терористите никаква награда за нивните злосторства и ние сметаме на нашите партнери да ја одржат токму оваа позиција. Потребни се решителни чекори од САД, Европа, земјите од Г20 и Г7. Животите мора да бидат заштитени. Им благодарам на сите што помагаат во овој напор“, нагласи Зеленски.
Како што објави Укринформ, силите за воздушна одбрана на Украина уништиле 40 од 62 беспилотни летала што Русите ги користеле за напад врз Украина вечерта на 18 октомври.
Редакција Фронтлајн
