Во центарот на Лондон беше откриена нова туристичка атракција: статуа на Бриџит Џонс, поставена во прочуениот Scenes in the Square скулптурен траил во Лестер Сквеар. Настанот го одбележаа и ѕвездите на филмската франшиза – Рене Зелвегер, Лео Вудол, Чиветел Еџиофор, Сали Филипс и авторката Хелен Филдинг, кои присуствуваа на црвениот тепих за големата промоција.
Статуата е поставена по повод 25-годишнината од првиот филм „Bridget Jones’s Diary“ и веднаш беше претставена како нова лондонска знаменитост.
Проектот Scenes in the Square е бесплатна атракција која ја слави филмската историја на Лестер Сквеар – дом на премиери, кино традиции и светски познати ликови. На патеката веќе се наоѓаат статуи на Падингтон, Хари Потер, Мери Попинс, Мр Бин и ликот Крис Вашингтон од „Get Out“.
