Актерката Сидни Свини неодамна зборуваше за несреќа со wakeboarding од детството, која ѝ оставила траен белег на лицето, споделувајќи детали во интервју за W Magazine, пренесува Index.hr.
Ѕвездата на серијата Euphoria откри дека инцидентот се случил кога имала само 10 години. Додека се обидувала да изведе акробација на вода, маневарот тргнал наопаку.
„Скокнав преку бран и се обидов да направам 360 степени“, раскажа Свини, објаснувајќи дека врвот на даската ненадејно се подигнал и ја удрил директно во лицето.
Ударот предизвикал длабока расекотина во близина на окото, поради што добила околу 17 конци. Белегот, како што вели, е видлив и денес, години подоцна.
Што е wakeboarding?
Wakeboarding е воден спорт во кој личноста стои на специјална даска, слична на сноуборд, и се држи за јаже прикачено за чамец или кабелски систем. Чамецот ја влече личноста по водата, а целта е изведување различни трикови и скокови. Спортот комбинира елементи од скијање на вода, сноубординг и сурфање.
Не е единствената повреда
Повредата од wakeboarding не е единствената што актерката ја спомена во интервјуто. Таа се присети и на сериозна повреда на коленото, кога за време на возење dirt bike го скинала медијалниот колатерален лигамент (MCL), што исто така ѝ оставило белег.
Покрај тоа, Свини опиша и непријатно искуство од снимањето на филмот Eden во Австралија, каде што била касната од неидентификуван инсект. „Се претвори во вистински кратер, а потоа остана лузна“, раскажа таа.
