Ждрепката за осминафиналето од Лигата на шампионите ќе донесе неколку дерби-пресметки, а најголемо внимание привлекуваат дуелите меѓу Челси и Пари Сен Жермен, како и меѓу Манчестер Сити и Реал Мадрид.
Челси ќе се соочи со актуелниот носител на трофејот ПСЖ, додека Манчестер Сити повторно ќе игра против Реал Мадрид во нокаут-фазата – петта сезона по ред во која двата клуба се среќаваат во елиминациската рунда.
И покрај тоа што шест премиерлигашки екипи се пласираа во осминафиналето, нема англиски меѓусебни пресметки. Лидерот во Премиер лигата, Арсенал, ќе се соочи со Баерт Леверкузен.
Њукасл Јунајтед ќе игра против Барселона, Ливерпул ќе се сретне со Галатасарај, додека Tотенхем е извлечен против Атлетико Мадрид.
Термини и можни четвртфиналиња
Првите натпревари ќе се одиграат на 10 и 11 март, а реваншите се закажани за 17 и 18 март. Њукасл ќе биде домаќин во првиот меч против Барселона, додека останатите англиски клубови што директно се пласираа во осминафиналето ќе ги играат реваншите на домашен терен.
Дуелот меѓу Челси и ПСЖ ќе биде реприза на финалето од ФИФА Светското клупско првенство минатата година, кога „сините“ славеа со 3-0 во Њу Џерси.
Доколку Њукасл и Тотенхем ги минат своите ривали, ќе се сретнат во четвртфиналето. Во другата половина од ждрепката, можно е англиско дерби меѓу Челси и Ливерпул, доколку двете екипи обезбедат пласман понатаму.
Финалето во Будимпешта
Финалето на овогодишното издание од Лигата на шампионите ќе се одигра на 30 мај на „Пушкаш Арена“ во Будимпешта, Унгарија.
