Градоначалникот на Крушево, Томе Христоски, реагира на, како што вели, дивеењето со возило по крушевските улици на Билјана Проеска претседателката на ОК на ВМРО-ДПМНЕ Крушево.
Тој вели дека Проеска направила сообраќајна незгода претекнувајќи друго возило со голема брзина во населено место и после настанот го напушта местото на незгодата.
„Претседателката на ОК ДПМНЕ Крушево во текот на вчерашниот ден откако дивееше со своето возило по крушевските улици, брзајќи да направи слики и снимки во с.Врбоец и с.Св.Митрани за ударни дупки, истата направи сообраќајна незгода претекнувајќи друго возило со голема брзина во населено место, после настанот го напушта местото на незгодата.
Исплашени граѓани реагираа кај мене кои биле очевитци на настанот, но поради неговата специфичност за кои учесници се работи сакаа да останат анонимни.
Дали само со европски извештај се вадиш и бегаш од лице место?
Дали со тоа покажуваш сила, моќ над другите или не потсетуваш како владеевте 11години, и ако дојдите на власт дека ќе газите се пред себе и што ли уште не нè очекува?
Дали со напуштање на лице место се пополнува Европски извештај за сообраќајна незгода?
Го повикувам командирот на ПС-ОН Крушево да го разгледа и да му пристапи сериозно на настанот, за што ќе се спречи понатамошно дивеење, непочитување на правилата и прописите во сообраќајот, како и санкционирање за непочитување, напуштање на лице место.
Никогаш режим и никогаш автократи на власт!
За потсетување: во с.Бучин асфалтиран е локалниот пат од с.Воѓани низ с.Бучин до самиот излез на селото, додека во годишната програма е предвидено дека ќе го асфалтираме локалниот пат од с.Врбоец до с.Кривогаштани преку Министерството за транспорт и врски, кој е децениски проблем на жителите од ова село.“, наведува во Фејсбук објавата градоначалникот Христоски
