Справувањето со корупцијата без исклучок секогаш има две страни – оние што ја практикуваат и оние што се учесници за да постигнат одредена корист. И двете страни имаат иста одговоорност. Тогаш кога и едната и другата страна ќе кажат не на оваа појава ние ќе бидеме голем чекор напред кон успех на тоа што го декларираме.
Ова го истакна министерот за финансии Фатмир Бесими на состанокот во Владата организиран од вицепремиерката за политики за добро управување, во соработка со вицепремиерот за европски прашања на кој се обрати и евроамбасадорот Дејвид Гир, а на кој учествуваат претствници на институциите со надлежност за справување со корупцијата. Тој нагласи дека ваквата цел бара и индивидуална и колективна свест за да се намали овој штетен феномен или целосно да биде искоренет во општетството, но и вклученост на институциите користејќи се при тоа со речникот на фудбалот.
-Со воведувањето на ВАР системот, со помош на технологијата се доби механизам за контрола на грешките во однос на тоа дали е даден гол од офсајр или со игра со рака, со што фудбалот станува поквалитетен. Значи потребни ни се институции, механизми и резултати, а помош во оваа борба ни даваат меѓународните институции и Извештајот на ЕК, рече Бесими.
Во делот на финансиската контрола тој наведе дека како Министерство работат на Предлог закон за системот за внатрешна финансиска контрола во јавниот сектор, на закон за финансиска инспекција во јавниот сектор, на нацрт закон за државна ревизија, потоа на закон за решавање на нефер банкарски практики и промовирање на заштита на потрошувачите, како и на воспоставување финансиски омбудсман.
-Во врска со Слободно движење на капитал, добар напредок е постигнат во натамошното усогласување со правото на ЕУ, преку усвојувањето на законодавството за платните системи како и преку нов Закон за спречување на перење пари и финансирање на тероризам. За нотирање е дека во август минатата година се усвои Националната стратегија за спречување на перење на пари финансирање на тероризам 2021 – 2024. Оваа стратегија на среден рок ги дефинира активностите кои треба да го унапредат системот за спречување на перење пари и финансирање на тероризам. Во битката на спречување на перење пари и финансирање на тероризам, од исклучително значење е координацијата со и помеѓу Агенцијата за финансиско разузнавање, Агенцијата за национална безбедност, Државната комисија за спречување на корупцијата и Управата за финанска полиција, подвлече Бесими.
Важна е, нагласи тој и борбата против неформалната економија како еден од изворите за корупција и финансирање на тероризам.
-Имаме Акциски план за сузбивање на сивата економија 2021-2022 година. Дополнително од јануари ќе имаме нов Акциски план а пероодот 2023 – 2025 година со конктерни мерки за постигнување резулати за што е потребна соработка на сите институции и голема волја на сите чинители. Перцепцијата за корупцијата може да се промени само тогаш кога ќе имаме резултати. Уверен сум дека нашата заложба и пат кон членството во ЕУ, започнатите преговори како и конзистентната борба со корупцијата ќе биде клучна за нејзино сузбивање. Се надевам дека денешната слика во наредната година ќе покаже тренд на подобрување, а тоа е исклучително битно и за економската перспектива на општетството и за инвестициите, порача Бесими.
