Унгарската крајнодесничарска парламентарна партија Јобик ја осудува оценката за Унгарската револуција од 1956 година, наведена во руски училишен учебник по историја како „фашистички пуч“ и бара одлучна акција од унгарската влада во овој поглед, изјави лидерот на парламентарната фракција Ласло Ѓерѓ Лукач во коментар за Guildhall, пренесува Укринформ.
„Во врска со скандалозната книга (учебник по историја, чиј автор е помошникот на Владимир Путин Владимир Медински – уред.), нашата партија го објави соопштението. Можам да објаснам дека ја осудува објавената книга и бара строги владини постапки“, рече унгарскиот парламентарец.
Унгарското Министерство за надворешни работи одговори преку државниот секретар одговорен за билатералните односи во Министерството за надворешни работи и трговија, Тамаш Менцер, нагласувајќи дека настаните од 1956 година не биле „фашистички пуч“, туку национално востание против комунистите.
Во 1956 година, унгарскиот народ се побуни против комунистичката диктатура, ова е јасен, недвосмислен факт, не е прашање за дебата. Секоја изјава за спротивното е лажна. Она што се случи е толку јасно што нема да разговараме за тоа со никого – рече Менцер.
За потсетување, Владимир Медински, помошник на рускиот претседател Владимир Путин, подготви унифициран училишен учебник по историја, во кој унгарската револуција од 1956 година се нарекува „фашистички удар“, наводно „инспириран од западните разузнавачки агенции“.
За потсетување, Владимир Медински, помошник на рускиот претседател Владимир Путин, подготви унифициран училишен учебник по историја, во кој унгарската револуција од 1956 година се нарекува „фашистички удар“, наводно „инспириран од западните разузнавачки агенции“.
И покрај тоа што претседателот Путин неодамна ги толкуваше настаните од 1956 година во Унгарија, кој рече дека одлуката на Советскиот Сојуз да испрати тенкови во Унгарија и Чехословачка за да ги задушат масовните протести за време на Студената војна била грешка, Маѓар Немзет објави дека рускиот учебник по историја напишан од Владимир Медински, советникот на претседателот Путин, за учениците од 11-то одделение, во кој унгарската револуција од 1956 година се нарекува „фашистички пуч“, наводно „инспириран од западните разузнавачки агенции“. содржи два параграфи во кои тврди дека „унгарската криза беше иницирана преку акциите на западните тајни служби и внатрешната опозиција што тие ја поддржуваа. Советскиот Сојуз испрати војници во Унгарија и им помогна на унгарските власти да ги задушат протестите. Подоцна се појавија некои извештаи кои тврдат дека вестите за новиот руски учебник се невистинити.
Во 1956 година Унгарското востание беше задушено од Советскиот Сојуз, во борбите беа убиени над 2.600 Унгарци заедно со над 600 советски војници. За време на антикомунистичкото востание во 1968 година во Чехословачка, околу 137 граѓани ги загубија животите.
Унгарија на Виктор Орбан меѓу членките на ЕУ важи за голем поддржувач на Владимир Путин, честопати одбивајќи да ги спроведе одлуките на ЕУ кои се однесуват на осуда на руската агресија врз Украина и санкциите кои Унијата ги воведува кон руското раководство.
Дополнително, ново светло на понатамошниот развој на односите помеѓу Унгарија и Русија фрла објавата на премиерот на Унгарија, Виктор Орбан, за својата намера да се откаже од употребата на руско гориво во единствената нуклеарна централа во земјата.
Според Блумберг, Орбан го претставил планот од 15 точки за зајакнување на Унгарија, која е во долгогодишна рецесија, и има акутен недостиг на работна сила и е една од членките на ЕУ кои најмногу зависат од руската енергија, пренесува Укринформ.
Планот вклучува обид за зголемување на наталитетот, чекори за модернизација на армијата и обиди да се замени руското нуклеарно гориво со француско гориво во единствената нуклеарна централа во земјата, се вели во извештајот.
Орбан во моментов е шеф на влада со најдолг стаж на една земја од ЕУ и планира да остане на власт до 2034 година, според извештаите на локалните медиуми.
Предходно, Орбан изјави дека САД треба да започнат преговори со Русите и да склучат договор за безбедносната архитектура, во кој треба да се најде место за Украина.
Драган Мишев / Цивил Медиа
