Советот на Европа (ЕК) во Извештајот за Косово, на чиј крај даде голем број препораки за подобрување на состојбите во различни области, побара од институциите на Република Косово да се воздржат од користење на специјалните сили на косовската полиција за секојдневните задачи на северот. Министерот за внатрешни работи на Албанија Таулант Бала соопшти дека во последните 72 часа се уапсени и кривично гонети 72 лица во рамки на операциите „Храм“ и „Владеење на правото“.
Ова се само дел од содржините од редакцискиот избор на ЦИВИЛ Медиа, од албанските медиуми во регионот за денешното издание на АЛ-Прес.
КОСОВО
Епока е Ре -Совет на Европа: Специјалните единици да не се носат на север за обични задачи, да има координација со КФОР и ЕУЛЕКС
Советот на Европа (ЕК) го објави Извештајот за Косово, на чиј крај даде голем број препораки за подобрување на состојбите во различни области.
Советот на Европа побара од институциите на Република Косово да се воздржат од користење на специјалните сили на косовската полиција за секојдневните задачи на северот и да обезбедат специјалните сили да бидат испратени на север само во тесна соработка со КФОР и ЕУЛЕКС, пренесе Епока е Ре.
Сури нет: Србија поставува војници и оружје на границата, Курти се сретна со британскиот емисар
Косовскиот премиер Албин Курти го пречека специјалниот пратеник на Обединетото Кралство за Западен Балкан, лорд Стјуарт Пич.
Прашањата за кои се разговараше меѓу Курти и британскиот емисар беа билатералните односи, последните случувања и безбедносната ситуација на Косово, поточно на границата со Србија по терористичкиот и паравоениот напад во Бањска пред два месеци, како и распоредувањето долж границата на противвоздушен систем на српската армија, единствен во Европа кој работи со кинеско оружје и ракетни системи, како што е ФК-3,пренесе Сури нет.
РТВ 21- Османи: Косово во НАТО, неопходен чекор за мир и безбедност во регионот
Претседателката Вјоса Османи беше домаќинка на специјалниот британски емисар за Западен Балкан, лорд Стјуарт Пич, со кого разговараше за последните случувања во земјата и регионот, безбедносните предизвици во регионот, како и за дијалогот Косово-Србија.
На состанокот се разговараше и за интеграцијата на Косово во меѓународните институции, вклучително и во Советот на Европа и членството во НАТО, пренесе РТВ 21.
АЛБАНИЈА
Топ Чанел: Олеснето е движењето на албанските државјани од Албанија кон САД и обратно
Во договор и соработка со Стејт департментот, сега албанските граѓани можат да патуваат во САД дури и ако нивниот пасош истече во последните 6 месеци пред патувањето.
Според МНР, во исто време албанските државјани кои се враќаат од САД во Албанија можат да патуваат дури и ако им е истечен пасошот.
Еуроњуз- „Темпули“ и „Владеење на правото“, Бала: 29 уапсени и процесуирани за 72 часа
Министерот за внатрешни работи на Албанија Таулант Бала соопшти дека во последните 72 часа се уапсени и кривично гонети 72 лица.
Бала рече дека апсењата и постапките се извршени во рамки на операциите „Храм“ и „Владеење на правото“. Тој додава дека сузбивањето на производителите и дистрибутерите на дрога продолжува секој ден, со цел да се заштити здравјето на младите луѓе и секој друг граѓанин од опасностите од нивната употреба, пренесе Еуроњуз.
КОЛУМНА
Бота Сот: Функционално неписмените на албанските политички партии во Црна Гора со сомнителни или фалсификувани дипломи
Објавувањето на податоците дека во Црна Гора, според истражувањето на граѓанското здружение „Алтернатива“ има 25-30 илјади сомнителни или фалсификувани дипломи, претставува сериозен проблем за државните институции. Се поставува прашањето: Дали има Албанци вмешани во овој многу голем број сомнителни или лажни дипломи? Точниот одговор треба да го дадат надлежните државни институции, пишува авоторот Ѓеке Ѓонај во колумната „Функционално неписмените на албанските политички партии во Црна Гора со сомнителни или фалсификувани дипломи“, објавена во Бота Сот.
Подготви: Д. Тахири / Цивил Медиа
