Министерот за надворешни работи на Украина, Дмитро Кулеба, од Тирана пред Самитот Украина – Југоисточна Европа, изјави дека Албанија целосно ја заслужува интеграцијата во Европската унија, посакувајќи тоа да се случи што поскоро.
За време на конференцијата со неговиот албански колега Илги Хасани, министерот Кулеба истакна дека „вашата земја го заслужува тоа, со толку многу право“.
Тој додаде дека на разговорите со министерот Хасани се разговарало за подготовките за самитот на НАТО во Вашингтон, при што изјавил дека Албанија е важен партнер на НАТО и дека интеграцијата на Украина ќе ја зголеми безбедноста на Западен Балкан.
„Денеска го информирав министерот за состојбата на фронтот и руските напади со беспилотни летала и ракети. Важно е Русија да одговара за воените злосторства. Албанија и Украина се европски земји, се договоривме да ја продолжиме координацијата. На Албанија и посакувам што побрза интеграција во ЕУ, што вашата земја го заслужува и со право. Албанија е важен партнер како членка на НАТО. Затоа, разговаравме за подготовките за самитот на НАТО во Вашингтон и ја ценев подготвеноста на министерот Игли Хасани да се координира и да помогне во овие подготовки за овој важен состанок. Нашите очекувања се дека, меѓу другото, еден од резултатите на Самитот во Вашингтон ќе биде чекор напред кон членството на Украина, што конечно ќе го направи овој дел од Европа побезбеден, но и ќе ја зголеми безбедноста на Западен Балкан. Ја цениме нашата вредна соработка во меѓународните организации“, рече Кулеба.
На крајот од говорот, министерот Кулеба зборуваше на албански јазик – „Многу ви благодарам, драги пријатели“, притоа нагласувајќи: „Се надевам дека ќе разберете ако згрешам“.
Извор: GazetaDita
