ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home РЕГИОН

Двајца повредени во пожарот во Кочани префрлени на лекување во КБЦ во Загреб, градоначалникот нуди бесплатно сместување за родителите

March 18, 2025 15:35
in ДЕНЕС, РЕГИОН, ТРАГЕДИИ, ХРОНИКА
Share on FacebookShare on Twitter

Две лица повредени во пожарот во дискотеката во Кочани утринава се пренесени на лекување на Клиниката за трауматологија во Клиничкиот болнички центар „Сестре милосрднице“ во Загреб, додека транспортот на уште двајца пациенти се очекува денеска.

Тихана Магдиќ Турковиќ, началник на Одделот за анестезиологија и интензивно лекување на Клиниката за трауматологија, КБЦ, во изјава за ХРТ посочува дека кај нив биле донесени две момчиња, од кои едното е малолетно.

– Едно лице (16 години) има мали изгореници од приближно 10 проценти, без повреди при вдишување и не бара интензивно лекување. Другото лице (23 години) има изгореница од 10-15 проценти и има повреда при вдишување која бара интензивни мерки за лекување, изјави Магдиќ Турковиќ.

Засега не се констатирани дополнителни повреди кај пациентите.

– Во случајот со полесни изгореници пациентот ќе биде на опсервација. Ќе бара хируршки третман. Поголемата, посериозна повреда бара интензивни мерки за лекување, имајќи предвид дека се работи за повреда од вдишување, потребна е механичка вентилација, односно употреба на респиратор, инхалациона терапија, аналгоседација, рече докторката.

Таа додаде дека на пациентите со изгореници им треба повеќемесечно лекување.

– Трансплантацијата на ткиво е опција за третман на изгореници. Сè уште не сме во фаза кога можеме да процениме дали тоа ќе биде потребно или не. За неколку дена ќе ја процениме длабочината на изгореницата и ќе донесеме заклучоци, изјави д-р Магдиќ Турковиќ.

Клиниката, како што кажа таа, е подготвена да ги прими и останатите најавени пациенти како со медицински персонал, така и со потребната апаратура.

Примариус Драган Ѓурѓевиќ од Клиниката за трауматологија рече дека за среќа, помладиот пациент има полесни изгореници, додека кај вториот пациент примарен третман е изгореница на дишните патишта, односно изгореници на белите дробови и соодветно се очекуваат компликации поврзани со тоа. Се работи за изгореници по главата и горниот дел од телото.

Директорот на КБЦ Давор Вагиќ изрази сочувство до семејствата на загинатите во трагедијата во Северна Македонија. Информира дека министерката за здравство Ирена Хрстиќ утрото веќе била во болницата и дека сите активности се координирани од Министерството за здравство и Владата.

Тој посочи и дека во Клиниката за трауматологија на Република Хрватска има Центар за изгореници и дека таму работат најкомпетентните луѓе во земјава за лекување на изгореници, а имаат и банка за ткиво која е конкретно поврзана со лекување на изгореници.

Хрватската Влада информирала дека во текот на денешниот и утрешниот ден со хеликоптер на хрватската Армија ќе бидат превезени уште четворица пациенти, кои исто така ќе бидат згрижени во хрватските здравствени установи.

Градот Загреб нуди сместување на семејствата на пациентите кои треба да поминат месеци за лекување и закрепнување во Загреб.

– Како Град Загреб, контактиравме со Македонската амбасада и им понудивме на семејствата на повредените сместување додека се во Загреб, за време на лекувањето на нивните најблиски. Резервиравме сместување доколку им треба, ќе добиеме контакт од амбасадите доколку го примат. Сакавме да дадеме свој придонес од солидарност во трагедијата што ја зафати Македонија, изјави Томислав Томашевиќ, градоначалник на Загреб.

Во пожарот во Кочани загинаа 59 лица, а 155 се повредени.

ФРОНТЛАЈН Е-БИЛТЕН

ПРЕТПЛАТИ СЕ НА Е-БИЛТЕНОТ НА ФРОНТЛАЈН И ДОБИВАЈ ГИ НАЈНОВИТЕ ВЕСТИ НА ТВОЈАТА Е-АДРЕСА

Check your inbox or spam folder to confirm your subscription.

НАЈНОВО

СБ на ОН: САД ја поддржуваат израелската самоодбрана и го предупредуваат Иран да не ги напаѓа американските сили

June 13, 2025

САД му помогна на Израел да пресретне ирански ракети, Нетанјаху со закани кон Иран – „уште повеќе се на пат“

June 13, 2025

Ракетни напади на Иран ги тресат зградите во Израел, има повредени

June 13, 2025

НАЈЧИТАНО

  • Македонија полека но сигурно станува мала Србија

    0 shares
    Share 0 Tweet 0
  • Поради притисоци по поддршката на студентите, овој EXIT ќе биде последен во Србија

    0 shares
    Share 0 Tweet 0
  • Индискиот авион се урна врз хостел за лекари

    0 shares
    Share 0 Tweet 0
  • Македонија поведе против Молдавија во Дејвис купот, Мицов го донесе првиот поен

    0 shares
    Share 0 Tweet 0
  • Интервју со Каја Шукова на НоваТВ: Владата на ВМРО-ДПМНЕ нема план ни за со ЕУ, ни без ЕУ, и тоа сериозно треба да ги загрижи граѓаните

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk