По телефонскиот разговорот меѓу претседателите на САД и Русија вчера попладне, кој траеше повеќе од еден час, Белата куќа и Кремљ објавија писмени изјави за условите за прекин на огнот, меѓу кои и дека е постигната согласност за 30-дневен прекин на огнот врз енергетската инфраструктура.
Но, според Би-би-си, резултатите изгледаат како да има малку за што да се пофалат.
Рускиот претседател му даде минимум, за американскиот лидер да може да тврди дека постигнал напредок кон мирот во Украина, без да изгледа како да го глуми Кремљ.
Трамп може да поентира со ветувањето на Путин дека ќе ги запре нападите врз енергетската инфраструктура на Украина на 30 дена. Ако тоа навистина се случи, тоа ќе донесе одредено олеснување за цивилите.
Но, не е ни блиску до целосниот и безусловен прекин на огнот што САД го сакаа од Русија. „Многу ужасната војна“ на која Трамп инсистираше дека може да престане, сè уште беснее.
А Путин, човекот обвинет како осомничен воен злосторник од страна на МКС, благодарение на Трамп, се врати во највисокото ниво на глобалната политика.
Руските државни медиуми јавуваат дека телефонскиот разговор на двајцата претседатели траел повеќе од два часа. Читањето на Кремљ – неговиот извештај за повикот – исто така е долг со 500 зборови. Го прикажуваат разговорот како моабетење: тие очигледно разговарале за хокеј на мраз, ваков вид на детали ќе има публика во Русија.
Д. Мишев / Цивил Медиа
