Во Приштина почна средбата на косовската претседателка Вјоса Османи со шефот на британската дипломатија Дејвид Леми, а по завршувањето на разговорите ќе се одржи заедничка прес-конференција.
Леми вчера се сретна со министерката за надворешни работи и дијаспора на Косово, Доника Гервала Шварц.
Посетата на Леми доаѓа во време кога Велика Британија ја разгледува можноста за продажба на оружје на Косово.
Ваквиот развој на настаните пред неколку недели го најави британската државна министерка Марија Игл, која најави дека Лондон ја истражува можноста за договор за снабдување на Косово со воена опрема.
Се очекува Леми да се сретне и со други високи претставници на Косово, каде во фокусот на разговорите ќе бидат прашањата за безбедноста, одбраната и стратешката соработка меѓу Косово и Обединетото Кралство.
Посетата се смета за важна за меѓународната поддршка за Косово и зајакнувањето на неговите одбранбени капацитети..
