Новинарката на „Слобода ТВ“, Олена Храмова, и снимателот Јевген Кармазин, беа убиени во руски напад со беспилотно летало врз Краматорск, Донецка област, на 23 октомври, објави регионалниот гувернер Вадим Филашкин, пренесува Кијив Индипендент.
Нападот бил извршен со помош на руски камикази дрон „Лансет“, кој удрил во автомобил во кој се наоѓале новинарите, рече Филашкин.
Храмова и Кармазин биле на задача во регионот кога биле убиени.
Нивната смрт претставува уште една загуба за украинската новинарска заедница, која продолжува да известува од регионите на фронтот под постојана закана од руски напад.
Редакцијата на „Слобода ТВ“ во Кијив е двапати уништена од руски ракетни напади во 2025 година.
Русија постојано ги таргетира новинарите и медиумската инфраструктура од почетокот на нејзината целосна инвазија на Украина.
Според Институтот за масовни информации (IMI), од 9 октомври, Русија убила најмалку 133 медиумски работници во Украина, вклучувајќи ги и оние кои се приклучиле на војската, и извршила 848 злосторства против новинари и медиумски куќи.
Извор: Цивил Медиа
