ВКУПНО 550 милиони евра одат за помош на граѓаните и економијата, Третиот пакет економски мерки гради нова развојна македонска економија, известуваат од СДСМ.
ВО изминатото деноноќие направени се 184 тестирања во рамките на скринингот во градинките и сите се негативни, соопшти Министерството за здравство.
ВЛАДАТА донесе одлука да се овозможи продолжување на работниот однос на административци, технички лица и стручни соработници во образованието.
ДЕЦА со симптоми слични на Кавасаки синдром се лекувале и на детската клиника, известува Телма.
ЦЕЛТА на државната гаранција за стартап и мали претпријатија, како мерка од вториот столб, е да го олесни пристапот до финансиски средства на приватниот сектор со што компаниите би имале можност да го поделат ризикот односно државата да преземе дел од него, потенцира министерката за финансии Ангеловска.
МИНИСТЕРСТВОТО за финансии треба да понуди решенија за справување со нелегалното приредување игри на среќа од страна на странски приредувачи на интернет на територијата на државава.
ДЕЛ од медицинскиот персонал од болницата Сент-Пијер во Брисел ја пречека белгиската премиерка Вилмес, со шпалир, но завртени со грб, изразувајќи незадоволство од односот на Владата кон здравството, кое е со намален буџет.
ФУДБАЛОТ се враќа во Европа – уште 13 земји знаат кога ќе ги продолжат првенствата
ВО последните два месеца најбогатите Британци загубија 54 милијарди фунти поради пандемијата на коронавирусот, јави „Индипендент“ за резултатите од едно најново истражување.
ИЗРАЕЛСКИОТ премиер Бенјамин Нетанјаху во Кнесетот, пред положувањето на заклетва на новата влада на единство изјави дека е време за анексија на делови од окупираниот Западен Брег.
НАЈГОЛЕМАТА канадска авио-компанија „Ер Канада“ планира на почетокот на јуни да отпушти најмалку 20.000 вработени поради ефектите од пандемијата на коронавирусот.
ЖБОГАР: Идните членки треба да го следат примерот на ЕУ за еднаквост на ЛГБТИ лицата.
Ј. Ѓорѓиоски
