Основниот суд Кавадарци го прифати казнениот налог на Јавното обвинителство Кавадарци и го огласи за виновно лицето од селото Дебреште, Општина Росоман, обвинето дека сторило кривично дело „непостапување според здравствени прописи за време на епидемија” од член 206 став 1 од Кривичниот законик, потврди за Дума.мк, претседателот на Основен суд Кавадарци Лазар Нанев.
Обвинетиот е казнет со 50 дневни глоби, еднодневната изнесува 50 евра поточно 3.150 денари, или вкупно 153.750 денари или 2.500 евра поради тоа што умислено не постапил според писмената наредба на Министерството за здравство со која се определуваат мерки за спречување или сузбивање на пандемијата на опасна заразна болест – коронавирус Ковид-19 кога влегувајќи во државата, на 16 март во 23:15 часот, по враќање од Германија која е прогласена за средноризична земја утврдена на листата на Светската здравствена организација и притоа одбил да потпише изјава за задолжителна самоизолација и не а не ја примил писмената наредба на Министерството за здравство. Лицето не било дома на 17 март во 13:00 часот, кога од страна на униформирани полициски службеници од ОВР Кавадарци била направена контрола во неговиот дом во село Дебриште, Росоман, и телефонски изјавил дека е на истовар на роба во Струмица.
Осудениот има право на приговор до судечкиот судија по што пресудата станува правосилна. Доколку осудениот не ја плати казната од 50 дневни глоби ќе оди на издржување казна затвор во времетраење од 50 дена./
