15: Новозаболени 22 од Ковид -19, ќе запре ли јавниот градски превоз, сите синдикати против намалување на плати

Автобусите во Скопје и утрово преполни, ќе запре ли целосно јавниот градски превоз?! Од ЈСП за Фронтлајн велат дека ги чекаат насоките од Град Скопје, од каде пак чекаат нови одлуки и мерки од страна на Владата. Министерот за транспорт и врски, Горан Сугарески, на денешната прес конференција во Влада, рече дека доколку е потребно, ќе се забрани транспортот на луѓе меѓу градови и села.

Вкупно 136 заболени од корона вирус, 22 новодијагностицирани, двајца починати. Според местото на живеење досега регистрирани случаи на заболени од КОВИД-19 има во Скопје-81, од кои едно лице е од Богданци но живее во Скопје, во Дебар 40 лица, во Штип седум, во Куманово 3, во Кавадарци 2, во Охрид 2, а од нив едното лице е од Скопје, но е во изолација во Охрид и во Гостивар едно лице.

„Сумамед“ отсега само на бел рецепт, обезбеден и лек против маларија. Од Владата известија дека обезбедиле доволно количестви за целото население, како и дека лекот против маларија е обезбеден за 10.000 пациенти.

За УПОЗ неприфатлив предлогот за намалување на платите во јавната администрација. Доколку Владата го прифати овој предлог, значително ќе биде загрозена егзистенцијата на илјадници вработени во јавната администрација чии плати и онака се под просечната плата во државата, посочуваат од УПОЗ.

ККС: Задолжете се, имате начин и можност, но немојте да нè деградирате. Предлагаат да се консултираат експерти и да се носат поприфатливи предлози во оваа ситуација во која државата се справува со корона вирусот.

СКРМ: Кратењето на платите процентуално, во зависност на висината на платите или како праг да биде земена просечната плата, не минималната. Вработените во културните и уметнички институции кои одработуваат 40 часа неделно и во времето на кризата, да не подлежат на мерките за намалување на платата (најчесто персонал за обезбедување и одржување на објектите) ; Вработените кои се самохрани родители да не подлежат на мерките;

Нацрт заклучоци на ЕУ: Почеток на преговори со Северна Македонија и Албанија. Текстот на заклучоците, кои можат да претрпат мали промени по министерскиот состанок кој ќе се одржи утре, гласи: „откако го разгледа извештајот на Европската Комисија за напредокот на Северна Македонија од 2 март 2020, Советот го поздравува тоа што земјата покажа одлучност во напредокот на ЕУ агендата и испорача опипливи и одржливи резултати“. -Со оглед на остварениот напредок и исполнувањето на условите поставени едногласно од Советот во јуни 2018, Советот одлучува да отвори преговори со Република Северна Македонија, се вели во текстот.

15: Новозаболени 22 од Ковид -19, ќе запре ли јавниот градски превоз, сите синдикати против намалување на плати

Сублимат на актуелности од 12 до 15 часот.

Полицискиот час го промени желeзничкиот возен ред

Најново

Дневен хороскоп со Анаис (27 април): Активирање на продуктивноста и аналитичкиот ум

Од печат излезе „Амбиент“ – книга осма на Зоран Иванов

(ВИДЕО) Историја во Лондон: Саве ја проби границата „под два часа“ и постави нов маратонски стандард

Николоски: ЕУ ни помагаат за изградба на коридорите 8 и 10

Ристески: Општина Аеродром троши 138 милиони денари за „сокачиња“, тендерот повторно кај омилената фирма на ВМРО-ДПМНЕ

НАЈЧИТАНО

Ангеловска: Во функција е страната „Купувам Домашно“ каде граѓаните можат да проверат дали им следува помош

Мицкоски порача: Прво ја враќаме оградата на Владата, па го враќаме Грујо

Фуркан Салиу: Ако утре нешто ми се случи одговорите да ги барате кај министерот Тошковски, Латас и Љупчо Москов

Рама: Туристите од Албанија, Косово и Македонија што зборуваат албански се претставуваат како најголеми патриоти, а се најголеми загадувачи на албанските плажи

Имате ли претстава што нè чека после изборите?