Спасовски: Од утре нема забрана за движење, со посебен протокол враќање на работа од 1 јуни, освен родители на деца до 10 години и хронично болни.
- 27 престанува забрана за движење (полициски час),
- 28 почнуваат со работа угостителски објекти кои имаат летни тераси, со посебен протокол, оние кои немаат тераси ќе бидат опфатени во следната фаза.
- 0д 1 јуни ќе престанат да важат заклучоците на Владата со кои различни категории на граѓани беа ослободени на работа по различни ознови се враќаат на работа, редовно и тековно да ги извршуваат работните обврски. И ова одлука ќе биде придружена со соодветен протокол за работа. Ова не важи за хронични болелни и за родители на деца до 10 години.
Државниот карантин се заменува со домашна изолација, ќе се утврдува протокол за државните граници.
Владата попладнево на седница усвои и прецизен протокол за постапување при влез на сите македонски државјани во земјава, согласно кој задолжителен државен карантин за наши државјани кои од странство се враќаат со хуманитарни летови или конвои се заменува со домашна изолација доколку при влегување на територијата на нашата држава приложат негативен ПСР-тест на КОВИД-19 направен во последните 72 часа пред да влезат во земјава.
Спасовски: Изборите да се одржат за 22 дена, во првиот можен рок.
„Датумот на изборите е детерминиран со уредбата законска сила која има важност до завршување на вонредната состојба. Во моментот кога ќе заврши, за 22 дена, ќе треба да се одржат избори. Тоа е фактичка состојба. Затоа треба да се реализираат изборите во првиот можен рок. Мора да бидеме принципиелни, а изборите да бидат во моментот кога ќе има најмногу створени услови. Една од нашите одговорности е да направиме се колку што е можно побрзо да се обезбеди новата нормалност“, рече Спасовски.
Филипче: Сите сме одговорни за нашето здравје!
„Денеска се точно три месеци од кога се дијагностицираше првиот случај на КОВИД-19 во земјата. После три месеци ние сме на една раскрсница. За жал, многу граѓани беа жртва на оние граѓани кои не ги почитуваа мерките. Ние кажавме дека првата битка е добиена, но борбата се уште трае и ќе трае. Ќе мора да се научиме да живееме со вирусот. Голем дел од граѓаните се придржуваат до мерките, но голем дел не ни веруваат дека постои вирусот“, изјави министерот за здравство Венко Филипче, на прес конференцијата по владината седница на која се донесе одлука за олабавување на мерките.
Османи: Олабавувањето на рестриктивните мерки не се ад хок решенија, туку стратегија. Денешните одлуки за олабавување на рестриктивните мерки не се ад хок решенија, туку се дел од подолгорочна стратегија на Владата како да се овозможи безбедност на граѓаните во услови на слободно движење, истакна вицепремиерот Бујар Османи, кој е главен координатор на кризните штабови за справување со вирусот КОВИД-19.
Караџовски: Бројот на смртни случаи е драстично намален во последните 14 дена.
Во наредниот период ќе ги тестираме здравствените работници, таксистите, полицијата. Ќе направиме 10.000 тестирања. Процентот на позитивните случаи е 5,7 од вкупниот број на тестирани, во последните 14 дена. Ние рековме дека кога ќе достигнеме околу 5 посто позитивни од тестирани, ќе почнеме со олабавување на мерките“, рече Караџовски.
Преглед од светот: Над 5,6 милиони луѓе заразени со Ковид-19.
