Во Мајкрософт театарот во Лос Анџелес синоќа беа доделени Американските музички награди (АМА). Водителка на шоуто беше Тараџи Хенсон, a меѓу оние кои настапија, се Џенифер Лопез, Меган ди Сталион, Малума и други.
Тејлор Свифт доби три награди – уметничка на годината, поп-рок изведувачка и најдобар музички спот, за песната „Сardigan”. Со тоа, таа го држи рекордот на најмногу освоени АМА-награди.
Доџа Кет е најдора дебитантка, а Џастин Бибер и Ден + Шеј ја добија наградата за најдобар дует или соработка, како и најдобра кантрри-песна, за песната „10.000 hours“.
Џастин Бибер е најдобар машки поп/рок изведувач. Најдобра поп/рок група е „БТС“. Најдобра поп/рок песна е „Don’t Start Now”.
Во категоријата алтернативен рок, „Твени уан пајлотс“ ги победија Били Ајлиш и Тејм Импала.
Најдобри рапер и раперка се Џуси Ворлд и Ники Минаж. Најдобрра рап-песна е „WAP” на Меган ди Сталион и Карди Би.
Викенд и Доџа Кет се најдобри соул/ар-ен-би изведувачи.
Најдобри латино изведувач и изведувачка се Бед Бани и Беки Џи.
Најдобар албум за филмска музика е „Birds of Prey: The Album“. /МИА/
