Мицкоски на прес-конференција побара итно одржување лидерска средба. На прашањето со какви барања би настапиле, тој не прецизира со какви барања ќе настапи ВМРО-ДПМНЕ, ниту која ќе биде партиската позиција ако евентуално се седне на иста маса со претставниците на владејачките партии.
Исто така Мицкоски рече дека нема да учестува на лидерска средба која би ја свикал претседателот на државата Стево Пендаровски.
– На еден формат кој би бил организиран од Стево Пенадровски, нема да учествувам, зашто не ја гледам улогата на Стево Пенадровски на една таква лидерска средба, изјави Мицкоски.
Премиерот Зоран Заев, пак, најави дека до крајот на годината ќе се одржи лидерска средба.
На денешната прес-конференција по повод 100 дена Влада, премиерот Зоран Заев рече дека на средбата со лидерите ќе стане збор за евроинтеграциите, ковид-кризата, но и други прашања во интерес на граѓаните. Заев очекува лидерската да ја свика претседателот Стево Пендаровски, но ако не биде така, вели дека тој ќе ја организира средбата.
После изјавата на Мицкоски останува да висат во воздух неколку прашања:
– Како Мицкоски бара да има лидерска средба, а не сака да учестува на лидерска средба?
– Зошто на Мицкоски му се потребни процедурални изговори за да не учествува на лидерска средба која под итно бара да се случи?
– Како мисли Мицкоски да настапи на лидерска средба кога не знае со кои конкретни барања би настапил таму?
Ако Мицкоски мисли да настапи на лидерска без конкретни барања и предлози туку само со памфлетната партиска мантра со која им се додворува на своите партиски послушници и ботови, па таму да бара оставка од Владата и Заев, тогаш навистина е нејасно како да се перципираат зборовите кои самиот Мицкоски ги изговори – „Не планираме да бидеме кловнови и да изигрувамре циркуска атракција таму. Или ќе зборуваме за суштина или театри не ни требаат.“, освен навистина како циркуска претстава, каде токму тој – Мицкоски, би бил во улогата на главниот кловн.
Јане Ѓорѓиоски
