Се заоструваат рестриктивните ковид мерки – полицискиот час наместо од 22 во наредните две недели ќе почнува од 20 часот, а од утре за гости се затвораат сите угостителски објекти, како и угостителскиот дел од обложувалниците. Од денеска се затвораат и фитнес салите, спортските и салите за вежбање и се забранува и организирање, одржување и учество на семинари, обуки, работилници, курсеви, конференции.
Во Спортскиот центар „Борис Трајковски“ и денеска продолжува масовната имунизација на населението против Ковид-19, што стартуваше вчера за кога беа закажани 3.000 термини. Имунизацијата се одвиваше според планираното и вчера сите пријавени примиле вакцина.
Одлично помина првиот ден од вакцинацијата во А1 арената Борис Трајковски, објави вечерва на својот Фејсбук профил Министерот за здравство Венко Филипче. Во просек се вакцинираат околу 300 лица на час или околу 3000 дневно.
Премиерот Зоран Заев денеска на својот фејсбук-профил упати апел до граѓаните за почитување на мерките за заштита, кои, како што посочува се неопходни и побара максимална ангажираност на институциите со цел нивно доследно спроведување.
Директорката на Инфективната клиника во Скопје, Милена Стевановиќ, изјави дека потешката клиничка слика која ја развива британскиот сој на вирусот, за жал носи и млади и здрави животи. Новата варијанта на вирусот остава подруга слика и тоа не само во симптомите, туку и во тежината на болеста, времетраењето на болеста и во времето кога се појавуваат симптомите, вели таа.
Домашните миленичиња (кучиња) сите граѓани кои живеат во станбени објекти за колективно домување, ќе можат да ги изнесуваат надвор во вечерните часови почнувaјќи од 22:00 до 23:00 часот, најмногу до 100 метри од објектот каде живеат.
Моника Тасевска, сексуална работничка, без маска и бескомпромисно пред публиката на ФРОНТЛАЈН… Со сексуaлна работа почнав да се занимавам пред околку 10-ина години, кога останав без работата која предходно ја работев како административен работник во една приватна фирма. па морав да се потрудам да најдам начин на заработка. Не ги продаваме телата, продаваме сексуални услуги, тие што плаќаат не нè поседувaат, вели Моника.
Бугарија го заврши постевропскиот циклус, го изеде комплетното љубопитство, парите и перспективите и сега се бори за иднината што и се појавува како срање. Нема иднина. Само тековно валкање во бесмислата. Кое, додуша, може да приреди не мали задоволства. Но иднина-не. Македонија е жена на која не и даваат да умре, не затоа што се воодушевени од убавините на нејзиниот живот, туку затоа што се плашат од фаталноста на нејзината смрт, пишува БРАНКО ТРИЧКОВСКИ.
Малку е чудно човек да објави колумна за среќа во време на пандемија, нели?! Или можеби не. Заглавени сме дома, нашите животи се во прва брзина, а неизвесноста како честичка лебди во воздухот… Да одвоиме по некоја минута секој ден за да се заблагодариме за сè она што го имаме, пишува БИЛЈАНА АРСОВСКА.
Познатиот српски пејач на народна музика Предраг Живковиќ Тозовац почина на 85-годишна возраст како последица од компликации со корона вирусот.
М. Миткоска
