Градоначалникот на општина Петровец кој е и кандидат на опозициката ВМРО-ДПМНЕ за нов мандат заедно со уште четири лица го оштетиле буџетот на општина Петровец со над 1.5 милион евра, а ова се случува по само два дена од промовирањето на алатката со која секој граѓанин ќе може да реагира до институциите и да пријави злоупотреба на положба или пак корупција, како еден поттик за сите граѓани дека на патот во борбата против криминалот институциите се силно мотивирани и темелни во истрагите.
Институциите покажуваат неселективност, колку и да ја злоупотребува опозицијата оваа ситуација за политички поени, сепак ако некој направи криминал не може и не треба да му се прогледа низ прсти само затоа што се избори, туку напротив ова е доказ дека граѓаните се предупредени кој сака да им ја води нивната општина и како ќе ги троши нивните пари во иднина.
По анонимни претставки од мај за злоупотреба на службената положба и перење пари во општина Петровец, Управата за финансиска полиција до ОЈО за гонење на организиран криминал и корупција поднесе кривична пријава против пет физички и три правни лица за злоупотреба на службената положба и перење пари во општина Петровец, потврди Вицепремиерот за борба против корупција Љупчо Николовски.
Градоначалникот заедно со останатите го оштетиле буџетот на општина Петровец со над 1.5 милион евра, а ова се случува по само два дена од промовирањето на алатката со која секој граѓанин ќе може да реагира до институциите и да пријави злоупотреба на положба или пак корупција, како еден поттик за сите граѓани дека на патот во борбата против криминалот институциите се силно мотивирани и темелни во истрагите.
Првопријавениот, во својство на градоначалник од 2009 година до сега, од 2012 година овозможил плаќање на 24 фиктивни фактури на правниот субјект „Аце транс” – Скопје, во вредност од над 31,84 милиони денари, по основ за извршени јавни набавки, иако знаел дека работите не се извршени.
Сериозни сомнежи и индиции за манипулации и трошење на средства на граѓаните и на државата за неколку спортски федерации се пријавени преку претставки за се работи за претставки за работата на Боречката и Скијачката федерација, а тоа охрабрило пријави и за други федерации помеѓу кои и Автомобилската и Пинг-понг федерацијата.
– Тоа е уште еден голем успех, со тоа што граѓаните, и оние кои што имаат информации, поттикнати од постапувањето, не од непостапувањето, и од праќањето на пораките дека нема селективност, и нема неказнивост, во сите овие случаи, се охрабрени и стигнаа уште претставки кои што ќе бидат препратени или се веќе препратени, информираше Николоски.
Како што тој изјави претходно ние сме единствена земја во регионот која битката за корупцијата ја издигна на повисоко ниво, со подготвено законско решение и затоа доби поддршка од сите европски институции и во Брисел и во Виена каде што е седиштето на главната канцеларија на ОН за борба против корупција и Северна Македонија е лидер во регионот во спроведување на овие реформи.
-Започнавме борба со криминалот, влегуваме во новата програма на ОЛАФ за борба против измамите, таму се сите земји членки кои може да користат од новиот буџет во вредност од 180 милиони евра и со тоа се даде значење и признание на сите промени кои ги правиме во правец на борба против корупцијата и криминалот., рече тој.
Готов е и закоонот за конфискација на имот, по процедурите на база на студијата на Советот на Европа, доколку некој ќе стекне имот за кој нема покритие како го стекнал и разликата е 30.000 денари институциите ќе алармираат, ќе има постапка и процедура и ќе може да се истражи. во моментот законот е само за функционери додека се на функција, тие ги префрлаат на други имиња и по кривичните постапки си го враќаат имотот назад, дури и при правосилни пресуди.
-Ќе можат да пријавуваат и граѓаните затоа ќе ги јакнеме капацитетите на финасиската полиција, затоа нема да има потреба од кривична пресуда туку во брза граѓанска процедура се конфискува имотот. И ќе ги демотивираме оние кои сакаат да пишат на нивно име имот бидејќи ќе бидат проверени. Мора да го менуваме менталитетот, мора по 30 години да не го изигруваме законите и она што е на државата да се врати на граѓаните и да ја средуваме државата, да се градат градинки, училишта. Се надевам дека на овој начин ќе ги вратиме младите, рече Николовски.
Д. Е.
