Во населбата Медовина, во Цетиње, убиени се 11 лица, меѓу кои и напаѓачот, додека шестмина се повредени, меѓу кои и припадник на полицијата, потврдија за РТЦГ од Управата на полицијата. РТЦГ дознава дека на трагедијата и претходел семеен конфликт, по што напаѓачот по случаен избор пукал во случајни минувачи на улица. Напаѓачот пукал и кон полицијата, а во пресметката бил убиен, пренесува „N1“.
Четворица ранети се хоспитализирани во болница во Цетиње, додека двајца повредени се пренесени во Клиничкиот центар во Подгорица, јавува РТЦГ.
Според неофицијални информации, напаѓачот е 34-годишен маж, кој пукал и во деца.
Тој дел од градот беше блокиран, зголемено е присуството на полицијата, а се собраа и голем број цетињани.
РТЦГ од очевидци дознава дека напаѓачот шетал низ населбата и случајно пукал во граѓани кои случајно се нашле таму.
Засега нема официјални информации.
Децата кои престојуваат во Цетиње во Младинскиот камп се безбедни и во ниту еден момент не биле во опасност за време на инцидентот што се случи недалеку од зградата на Владата, изјави за „Вијест“ Јован Дашиќ од Младинската мрежа.
