Вселенскиот патријарх Вартоломеј во Божиќната честитка до Украинците рече дека Божиќ во Украина сега одекнува заедно со вревата на војната и судирот на оружјето.
„За жал, оваа година пораката на добрата вест за Божиќ одекнува заедно со вревата на војната и судирот на оружјето во вашата татковина, која ги доживува ужасните последици од провокативна и неправедна инвазија. Оваа војна, предизвикана од агресијата на Руската Федерација минатиот февруари е најтешката европска геополитичка и хуманитарна криза од крајот на Втората светска војна, со негативно влијание врз животната средина и општеството ширум светот. За нас христијаните, сите војни се убиство на нашите браќа“, рече Вартоломеј.
Вселенскиот патријарх истакна дека кредибилитетот на религиите денес зависи од нивниот однос кон заштитата на човековата слобода и достоинство и нивниот придонес за мирот.
„Мајката Црква особено мисли на вас сите кои го прославувате Рождеството Христово во оваа студена сезона, особено оваа година во Украина, без струја, без греење и непрестано се моли за итно враќање на мирот и правдата, за преродба. на Украина“, рече Вартоломеј.
Тој додаде дека само солидарноста со украинскиот народ може да ги надмине злото и темнината.
„Се надеваме, кога времето ќе дозволи, повторно да ја посетиме вашата непокорна Татковина, наоѓајќи ги тогаш сите православни христијани во Украина обединети во една процутена Црква! Ви посакуваме на сите многу благословени години!“ рече патријархот.
На конференцијата за меѓународна политика што се одржа минатата недела во Абу Даби, како платформа за презентирање на деталниот план за разрушување на глобалната структура на Руската православна црква, која е цврсто споена со режимот на Путин и се подготвува да ја сподели неговата историска судбина, Вартоломеј изјави:
“Искривената православна вера (т.е. црковно кажано ереста) „стана основа на идеологијата на режимот на Путин“.
Подготви: Д. Мишев / ЦИВИЛ Медиа
