На денешен ден во 2022 година, руските напаѓачи фрлија моќна бомба врз Драмскиот театар во Мариупол, каде стотина луѓе се криеја, а надвор од зградата беше испишан зборот „Деца“.
Терористичката држава ќе одговара за се што направила, изјави украинскиот претседател Володимир Зеленски на Телеграма, пренесува Укринформ.
„Пред една година, Русија намерно и брутално фрли моќна бомба врз Драмскиот театар во центарот на Мариупол. До зградата имаше натпис „Деца“, што беше невозможно да се занемари. Стотици луѓе се криеја од гранатирањето таму“, потсети Зеленски.
Тој рече дека „чекор по чекор, се движиме кон обезбедување дека терористичката држава целосно ќе одговара за она што го направи за нашата земја и нашиот народ“.
„Се сеќаваме на сите оние чии животи беа одземени од рускиот терор“, рече тој.
Драмскиот театар во Мариупол, кој се користеше како засолниште, беше бомбардиран од руски авиони на 16 март 2022 година. Во нападот загинаа најмалку 300 луѓе.
Русите ги урнаа остатоците од зградата во привремено окупираниот Мариупол за да ги скријат трагите од нивните злосторства.
Подготви: А. Р.
