Руските агресори ја разнесоа браната Каховка на реката Днипро, која е дел од хидроелектраната Каховка. Околу 16.000 луѓе моментално се наоѓаат во зоната на катастрофата во областа Керсон на десниот брег, откако Русите ја разнесоа браната.
„Од сега, разбираме дека околу 16.000 луѓе се наоѓаат во зоната на катастрофата на десниот брег на реката Днепро“, рече Олександр Прокудин, шеф на регионалната воена управа Херсон, за време на телетонот Обединети вести. Сепак, ова не е прв пат биде разнесена браната на реката Днипро, пренесува Укринформ.
Мотивите на руските агресори да ја разнесат браната, покрај нивните перманентни обиди да уништат сé во Украина, може да се најде ако се погледне наназад во историјата, на која Владимир Путин е толку голем поклоник. Тој само ги повторува, како и многу пати досега, постапките на неговиот идол, советскиот диктатор Сталин.
НА 29 август 1941 година Тајната полиција на Сталин ја крена во воздух браната Днипро во Запорижја, која ја храни електраната Днипрострој во обид да го забави напредувањето на нацистичките германски трупи Советите беа уверени дека германското напредување може да биде попречено од забрзаните струи и поплавите предизвикани од уништувањето на браната, пишува Гардијан.
Експлозијата ги поплавила селата покрај бреговите на реката Днипрo, при што загинаа илјадници цивили и воен персонал од двете страни на конфликтот, но не го запрела германското напредување. По преземањето на областа, Германците делумно ја обновиле браната.
Две години подоцна, додека советските сили ги потиснуваа од Украина, нацистичките трупи ја разнесоа по браната по втор пат. На крајот на војната, Советите повторно ја изградиле браната.
Сега, 78 години подоцна, друг агресор во Украина повторно реши да дигне во воздух брана на реката Днипро, и да ги загрози животите на илјадници луѓе, уништувајќи со помош на водената стихија цели градови и села. Овој пат, тие агресори се Русите.
Д. Мишев / Цивил Медиа
