Фокусот на руската пропаганда сé уште е насочен на Самитот на НАТО во Вилнус во обид да ја поткопа поддршката која земјите – членки на Алијансата и ја дадоа на Украина.
Каналите на Z-Телеграм и ботови на Твитер споделуваат лажна насловната страна на германскиот деловен дневен весник Handelsblatt, на која е прикажана карикатура на претседателот на Украина Володимир Зеленски кому не му е дозволено да влезе во НАТО.
Ова е лажна конструкција на руска пропаганда. На официјалната веб-страница на Handelsblatt нема корица со оваа слика. На лажната корица пишува дека изданието има број 134 и ќе излезе на 14 јули 2023 година. Но, изданието на тој број и објавеното на тој датум имаше сосема поинаква корица.
Оригиналната корица го прикажува извршниот директор на Мајкрософт Сатја Надела и носи наслов „Мајкрософт Принципи“.
Темата за Украина за време на Самитот на НАТО во Вилнус беше на насловната страница на весникот, но еден ден претходно – на 13 јули. На неа е прикажана фотографија од прес-конференцијата на Володимир Зеленски по средбата со американскиот претседател Џозеф Бајден и неговиот цитат „По Војна, Украина ќе стане членка на НАТО“.
Во пресрет и за време на Самитот, руската пропаганда го нападна информативниот простор со фалсификати и манипулации за Самитот на НАТО во Вилнус, каде Украина доби безбедносни гаранции од земјите од Г7 и се одржа првиот состанок на новосоздадениот Совет Украина-НАТО.
Претходно руската пропаганда лажираше насловна страница на францускиот сатиричен магазин Charlie Hebdo, во обид да ја сокрие реакцијата на светот за вооружениот бунт во Русија.
Д. Мишев / Цивил Медиа
