Портпаролката за надворешни работи на Русија, Марија Захарова дезинформира дека институциите во Приштина „сакаат“ да ги избришат трагите од присуството на Србите и да го албанизираат нивниот идентитет, пишуваат косовските медиуми.
Во Албанија, заострени се критериумите за компаниите кои ќе имаат корист од лиценцата за игри на среќа, а воведен е и систем на бодување за рангирање на конкурентските компании, известуваат албанските медиуми.
Ова се дел од темите од денешниот редакциски избор на ЦИВИЛ Медиа, од албанските медиуми во регионот.
КОСОВО
Газета Експрес- Руската пропаганда продолжува: Захарова дезинформира дека „православните цркви на Косово немаат заштита“
„Портпаролката за надворешни работи на Русија, Марија Захарова повторно се занимава со дезинформации за Косово.
На 31 јануари Захарова овојпат се занимаваше со новинарите со српските цркви во Косово, дезинформирајќи дека институциите во Приштина „сакаат“ да ги избришат трагите од присуството на Србите и да го албанизираат нивниот идентитет, кој го имаат со векови.“, пренесе Газета Експрес.
Телеграфи: Амбасада со скратени податоци, не се знае кои се дипломатските претставници на Косово
Безвизното движење за Косовците значително го зголеми бројот на патници кои патуваат во земјите ширум светот, како и потребата да бидат поинформирани за амбасадите на Косово во земјите домаќини, особено во случај на можни потешкотии.
За четири специјални канцеларии на Косово во четири земји воопшто нема податоци кои се дипломатските претставници, ниту пак за конзулат.
Во меѓувреме, во три амбасади сè уште стојат имињата на минатите амбасадори. Истото и за шест конзулати, каде се уште се појавуваат имињата на поранешните конзули, пренесе Телеграфи.
АЛБАНИЈА
Јава Њуз – Се менува законот за коцкање, се заоструваат критериумите за доделување лиценци, се воспоставува систем на бодување
„Министерството за финансии подготви нов предлог-закон за коцкање, каде пред Комисијата за економија во Собранието презентираше одредени измени.
Заострени се критериумите за компаниите кои ќе имаат корист од лиценцата, а воведен е и систем на бодување за рангирање на конкурентските компании. Исто така, во комисијата за лиценца ќе бидат додадени членови кои оценуваат барања од субјекти.“, пренесе Јава Њуз.
Балкан Веб: Кој ќе работи?! Населението над 65 години ќе претставува 80% од работната сила во 2070 година
„На Албанија ќе и биде многу тешко во наредните години да им понуди достоинствен живот на пензионерите.
Во 2023 година, Албанија имаше возрасна група над 65 години како 25% од работната сила (15-65 години), на споредливи регионални нивоа. Но, неповолните демографски движења ќе значат дека во 2070 година возрасната група +65 ќе биде дури 80% од работната сила (15-65 години), оценува Меѓународниот монетарен фонд во последниот преглед на договорот со Албанија, пренесе Балкан Веб.
КОЛУМНА
ШќипМедиа: Македонските Албанци се ‘мртов’ политички фактор!
„За душегрижниците кои ме советуваат да внимавам со критиките дека ќе можам да го изедам куршумот во глава? Мојот страв од тој куршум е покриен со тагата што моите деца и внуци живеат во средина каде што „мафијашите“ од ДУИ можат кога сакаат да ги компромитираат со смислување на некое криминално „дело“.
И оваа мизерија е она што ги наведува родителите овде да ги повикаат своите деца да ги напуштат населбите со две реки, каде што и човек расте ако го засадиш, и да одат што подалеку во Македонија, што подалеку од ова место каде што Албанскиот политички фактор почина поради временските неприлики.“, пишува авторот Ким Мехмети во колумната „Македонските Албанци се „мртов“ политички фактор!, објавена во ШќипМедиа.
Подготви: Д. Тахири / Цивил Медиа
